ప్రజలకు సేవ చేసే అవకాశం రావడం అదృష్టం ... అభివృద్దే లక్ష్యంగా పనిచేస్తా… మున్సిపల్ చైర్ పర్సన్ అభ్యర్థి కణితి నీలిమా..

జంగారెడ్డిగూడెం: మేజర్ న్యూస్: జంగారెడ్డిగూడెం పట్టణాన్ని  అభివృద్ధి పథంలో ముందుకు తీసుకువెళ్లేందుకు  చిత్తశుద్ధితో పనిచేస్తానని   (బీఎస్పీ) బహుజన సమాజ్ వాద్ పార్టీ  బలపరిచిన   మున్సిపల్ చైర్ పర్సన్ అభ్యర్థి  కణితి నీలిమా తెలిపారు. బీసీ కమ్యూనిటీ హాల్  భవనం వద్ద  ఆమె విలేకరులతో మాట్లాడుతూ   పట్టణ అభివృద్ధే  ప్రధాన లక్ష్యమని ప్రజల సమస్యలను తెలుసుకుని వాటి పరిష్కారానికి కృషి చేస్తానని హామీ ఇచ్చారు. పారిశుద్ధ్యo, మురుగు నీటిపారుదల, తాగునీటి సరఫరా, అంతర్గత రహదారుల అభివృద్ధికి, అండర్ గ్రౌండ్ డ్రైనేజీ ఏర్పాటుకు  కృషి చేస్తానని అన్నారు.  ప్రజలకు ఎప్పుడు  అందుబాటులో  ఉంటానని చెప్పారు.  ప్రజలకు సేవ చేసే  అవకాశం లభించడం సంతోషించదగ్గ విషయం అన్నారు. ప్రజల ఆశీస్సులతో  విజయo సాధిస్తానని ధీమా వ్యక్తం చేశారు. జంగారెడ్డిగూడెం  అభివృద్ధిలో కొనసాగాలంటే ఏనుగు గుర్తుకు ఓటేసి  అత్యధిక ఓట్ల మెజార్టీతో  గెలిపించాలని  ఆమె కోరారు. ఆమెతోపాటు  బీఎస్పీ జిల్లా అధ్యక్షులు  కలపాల రాజకుమార్, చింతలపూడి నియోజకవర్గ ఇన్ ఛార్జ్ రమేష్, పోలవరం నియోజకవర్గ ఇన్ ఛార్జ్  తుట్టి ఈశ్వర రావు  తదితరులు ఉన్నారు.