andhrapradesh
పాఠశాల సమస్యలపై ఎస్ఎఫ్ఐ పరిశీలన
అనంతపురం బ్యూరో: ఎస్ఎఫ్ఐ ఆధ్వర్యంలో నిర్వహించిన ‘స్కూల్ బచావో’ కార్యక్రమంలో భాగంగా నగరంలోని పలు పాఠశాలలను పరిశీలించారు. పాపంపేట జిల్లా పరిషత్ ఉన్నత పాఠశాలలో సుమారు 400 మంది విద్యార్థులు ఉండగా, తరగతి గదుల కొరతతో ఒక్కో గదిలో 75 మంది వరకు కూర్చోవాల్సి వస్తోందని ఎస్ఎఫ్ఐ నాయకులు తెలిపారు.
విద్యార్థులకు అవసరమైన తరగతి గదులను ఏర్పాటు చేయడంతో పాటు, నిలిచిపోయిన ‘నాడు–నేడు’ రెండో విడత పనులను పునఃప్రారంభించాలని డిమాండ్ చేశారు. పాఠశాలకు క్రీడా మైదానం కోసం స్థలం కేటాయించాలని, మధ్యాహ్న భోజనానికి ప్రత్యేక భోజనశాల ఏర్పాటు చేయాలని కోరారు. పాఠశాలలో గుర్తించిన సమస్యలపై జిల్లా కలెక్టర్, డీఈఓను కలిసి వినతిపత్రం సమర్పించేందుకు నివేదిక సిద్ధం చేసినట్లు ఎస్ఎఫ్ఐ నాయకులు తెలిపారు.
