పాలకొండ సబ్ జైలును సందర్శించిన సబ్ కలెక్టర్

పాలకొండ, సూర్య : పాలకొండ సబ్ జైలును గురువారం పాలకొండ సబ్ కలెక్టర్ స్వప్నిల్ పవార్ జగన్నాద్ సందర్శించారు. ఈ సందర్భంగా జైలులోని క్యాంటీన్ నిర్వహణను పరిశీలించి, ఖైదీలకు అందుతున్న సౌకర్యాలపై వివరాలు తెలుసుకున్నారు. ఖైదీల ఆరోగ్య పరిస్థితి, వారికి అందిస్తున్న వైద్య సేవల గురించి ఆరా తీశారు.జైలులో ఖైదీలకు అవసర మైన సౌకర్యాలు, ఆరోగ్య పరిరక్షణకు తీసుకుంటున్న చర్యలపై అధికారులను అడిగి తెలుసుకున్నారు. ప్రిసన్స్ జైలు నిర్వహణ కు సంబంధించిన పలు అంశాలను పరిశీలించారు. ఈ పర్యటనలో సబ్ జైలు ఇన్చార్జి సూపరింటెండెంట్ రమణయ్య, హెడ్ కానిస్టేబుల్ విజయకుమార్, కానిస్టేబుల్ నాగరాజు పాల్గొన్నారు.

రిపోర్టర్ : రమణ మూర్తి నాయుడు, పాలకొండ, పార్వతీపురం మన్యం.