లయన్స్ క్లబ్ ఆధ్వర్యంలో 12 మంది సన్న, చిన్నకారు రైతులకు పవర్ స్ప్రేలు పంపిణీ

                                              దాత రంగా వెంకటేశ్వరరావుకు ఘన సన్మానం

పెరవలి మేజర్ న్యూస్ :తూర్పుగోదావరి జిల్లా పెరవలి మండలం అన్నవరప్పాడు గ్రామంలోని శ్రీ వెంకటేశ్వర స్వామి ఆలయ ప్రాంగణంలో పెరవలి మండలం లయన్స్ క్లబ్ ఆధ్వర్యంలో 12 మంది సన్న, చిన్నకారు రైతులకు వ్యవసాయ పనిముట్లు పవర్ స్ప్రేలను పంపిణీ చేశారు. నిడదవోలుకు చెందిన దాత రంగా వెంకటేశ్వరరావు అందించిన ఆర్థిక సహాయంతో ఈ కార్యక్రమాన్ని నిర్వహించారు

.ఈ సందర్భంగా పెరవలి మండలం లయన్స్ క్లబ్ అధ్యక్షులు కర్రీ సత్యనారాయణ మాట్లాడుతూ, నిడదవోలుకు చెందిన రంగా వెంకటేశ్వరరావు అందిస్తున్న ఆర్థిక సహాయంతో లయన్స్ క్లబ్ ఆధ్వర్యంలో పలు సేవా కార్యక్రమాలను నిర్వహిస్తున్నామని తెలిపారు. రైతులకు వ్యవసాయ పనుల్లో ఉపయోగపడే పవర్ స్ప్రేలను అందించడం ఆనందంగా ఉందని, సన్న, చిన్నకారు రైతులకు ఇటువంటి సహాయం ఎంతో ఉపయోగకరంగా ఉంటుందని అన్నారు.

అనంతరం దాత రంగా వెంకటేశ్వరరావును పెరవలి మండలం లయన్స్ క్లబ్ సభ్యులు ఘనంగా సన్మానించారు.ఈ కార్యక్రమంలో లయన్స్ క్లబ్ ఉపాధ్యక్షులు పొప్పుప్పు  నాగేశ్వరరావు, ట్రెజరర్ దేవరపు ఏడుకొండలు, బీజేపీ నాయకులు సింహాద్రి సత్యనారాయణ, రంగినీడి గంగాధరరావు, బల్ల లీలాకృష్ణ తదితరులు పాల్గొన్నారు.