కడప జిల్లా పరిషత్ లో జరుగుతున్న నామినేషన్ ప్రక్రియను పరిశీలించిన జిల్లా కలెక్టర్ ఎస్పీ

జెడ్పీటీసీ నామినేషన్ల ప్రక్రియను పరిశీలించిన జిల్లా కలెక్టర్, ఎస్పీ..!

 కడప, ప్రతినిధి, వేణు.

కడప, జిల్లా పరిషత్ ఆవరణంలో జరుగుతున్న జెడ్పీటీసీ ఎన్నికల నామినేషన్ల స్వీకరణ ప్రక్రియను పారదర్శకంగా, ప్రశాంత వాతావరణంలో నిర్వహించేందుకు అన్ని రకాల భద్రతా చర్యలు చేపట్టినట్లు జిల్లా కలెక్టర్ డా. శ్రీధర్ చెరుకూరి తెలిపారు. 

కడప జిల్లా పరిషత్ కార్యాలయంలో గురువారం నిర్వహించిన రెండవ రోజు జెడ్పీటీసీ నామినేషన్ల స్వీకరణ ప్రక్రియను జిల్లా కలెక్టర్ డా. శ్రీధర్ చెరుకూరి.. జిల్లా ఎస్పీ షెల్కే నచికేత్ విశ్వనాథ్‌తో కలిసి పరిశీలించారు.ఈ సందర్భంగా నామినేషన్ల స్వీకరణ తీరును, అభ్యర్థులకు కల్పించిన సౌకర్యాలను పరిశీలించారు. అభ్యర్థులు ఎక్కువసేపు వేచి ఉండకుండా నామినేషన్ పత్రాలను త్వరితగతిన పరిశీలించి, అవసరమైన మార్గదర్శకాలు అందించాలని అధికారులకు సూచించారు.

ఎలాంటి అవాంఛనీయ సంఘటనలు జరగకుండా అన్ని రకాల భద్రతా చర్యలను మరింత పటిష్టంగా అమలు చేస్తున్నట్లు జిల్లా కలెక్టర్ తెలిపారు. నామినేషన్ల స్వీకరణతో పాటు ఎన్నికలకు సంబంధించిన అన్ని ప్రక్రియలను సజావుగా, పారదర్శకంగా, ప్రశాంతంగా పూర్తి చేసేందుకు చర్యలు చేపట్టినట్లు పేర్కొన్నారు. అభ్యర్థులు, ఓటర్లు నిర్భయంగా తమ ఎన్నికల హక్కులను సద్వినియోగం చేసుకునేలా ప్రశాంత వాతావరణాన్ని కల్పిస్తున్నామని తెలిపారు.

ఈ కార్యక్రమంలో  కడప ఆర్డీవో మురళి, కడప డిఎస్పీ భవానీ పాల్గొన్నారు.