బ్రాండ్ అంబాసిడర్ కు సన్మానం

స్వచ్ఛ అంబాసిడర్ జయలక్ష్మికి విక్కుర్తి సత్కారం
అవనిగడ్డ, అక్టోబర్ 6 మేజర్ న్యూస్: రాష్ట్రస్థాయి స్వచ్ఛ అవార్డుల్లో స్వచ్ఛ అంబాసిడర్ అవార్డు అందుకున్న చల్లపల్లి పంచాయతీ పారిశుద్ధ్య కార్మికురాలు జయలక్ష్మిని నియోజకవర్గ టీడీపీ ఇన్‌చార్జి విక్కుర్తి శ్రీనివాసరావు ఘనంగా సత్కరించారు. మంగళవారం స్థానిక కార్యాలయంలో జయలక్ష్మి మర్యాదపూర్వకంగా కలవగా, దుశ్శాలువాతో సత్కరించి చీరను బహూకరించారు.
విజయవాడలో జరిగిన స్వచ్ఛ అవార్డుల ప్రదానోత్సవంలో ముఖ్యమంత్రి చంద్రబాబు నాయుడు జయలక్ష్మిని తన పక్కన కూర్చోబెట్టుకుని ప్రత్యేకంగా అభినందించి అవార్డు, ప్రశంసాపత్రం అందజేశారు. ఈ సందర్భంగా జయలక్ష్మి మాట్లాడుతూ ముఖ్యమంత్రి తనను గౌరవించడం జీవితంలో మర్చిపోలేని మధురానుభూతి అని తెలిపారు. పారిశుద్ధ్య సిబ్బంది, పంచాయతీ కార్యదర్శి, బిల్ కలెక్టర్లు, ప్రజాప్రతినిధుల సహకారంతో గతంలో అపరిశుభ్రంగా ఉన్న ప్రాంతాలను పరిశుభ్రంగా మార్చగలిగామని పేర్కొన్నారు.

-అజంతా శ్రీను