పేద కుటుంబాలకు దసరా కానుకలు
పేద కుటుంబాలకు దసరా కానుకలు
జాపాలలో 25 కిలోల బియ్యం, చీరలు, నిత్యావసర సరుకుల పంపిణీ
పండుగ వేళ నిరుపేద కుటుంబాల్లో ఆనందం నింపేందుకు బీఆర్‌ఎస్‌ పార్టీ జాపాల గ్రామ మాజీ అధ్యక్షుడు బకున చంద్రకాంత్‌ (చందు) ముందుకొచ్చారు. దసరా పండుగను పురస్కరించుకొని జాపాల గ్రామంలోని నిరుపేద కుటుంబాలకు దసరా కానుకలను పంపిణీ చేశారు. ఒక్కో కుటుంబానికి 25 కిలోల బియ్యం బ్యాగు, ఒక చీరతోపాటు ఏడు రకాల నిత్యావసర సరుకులను అందజేశారు. ఈ కార్యక్రమానికి ముఖ్య అతిథిగా హాజరైన గ్రామ సర్పంచ్ మంచాల రవి, వార్డు సభ్యులతో కలిసి కానుకలను పంపిణీ చేశారు. పండుగ సమయంలో పేద కుటుంబాలకు నిత్యావసర సరుకులు అందించడం పట్ల గ్రామస్తులు హర్షం వ్యక్తం చేశారు. ప్రజల కష్టసుఖాల్లో తోడుగా నిలుస్తూ సేవా కార్యక్రమాలు చేపట్టడం అభినందనీయమని పేర్కొన్నారు. ఈ కార్యక్రమంలో వార్డు సభ్యులు మంథని అండాలు, మలేష్ యాదవ్, మంథని మనిషా, పరమేష్ యాదవ్, బకున సోమేశ్వర్, అనుమండ్ల వెంకటేష్, బీఆర్‌ఎస్‌ గ్రామ కార్యదర్శి అనుమండ్ల సంజీవ్‌తోపాటు గ్రామానికి చెందిన పలువురు నాయకులు, యువకులు, మహిళలు, గ్రామస్తులు పాల్గొన్నారు.
✍️ఎర్ర లింగం, మేజర్ న్యూస్, మంచాల
