మృతుల కుటుంబాలను పరామర్శించిన ఎమ్మెల్సీ దండే విఠల్

సూర్య, పెంచికల్‌పేట్:

 

పెంచికల్‌పేట్ మండల కేంద్రానికి చెందిన కాంగ్రెస్ కార్యకర్త నలగొండ శ్రవణ్ ఇటీవల రోడ్డు ప్రమాదంలో మృతి చెందడంతో ఉమ్మడి ఆదిలాబాద్ జిల్లా ఎమ్మెల్సీ దండే విఠల్ ఆయన కుటుంబాన్ని పరామర్శించారు. కుటుంబ సభ్యులను ఓదార్చి, ప్రస్తుత పరిస్థితిని అడిగి తెలుసుకున్నారు. శ్రవణ్ మృతికి సంతాపం వ్యక్తం చేస్తూ, వారికి అండగా ఉంటామని భరోసా ఇచ్చారు.

అనంతరం మండల కేంద్రానికి చెందిన కాంగ్రెస్ నాయకుడు భక్తు సంతోష్ తండ్రి భక్తు లింగయ్య మృతి చెందడంతో ఆయన కుటుంబాన్ని కూడా ఎమ్మెల్సీ దండే విఠల్ సందర్శించారు. లింగయ్య చిత్రపటానికి నివాళులర్పించి, కుటుంబ సభ్యులకు ధైర్యం చెప్పారు. వారి కష్టసమయంలో తోడుగా ఉంటామని తెలిపారు.ఈ కార్యక్రమాల్లో దహేగాం మండల కాంగ్రెస్ అధ్యక్షుడు పోతుగంటి భీమన్న, ఎల్లూరు మాజీ ఎంపీటీసీ దుగుంట రాజన్న, పోతపల్లి మాజీ సర్పంచ్ దాసరి చంద్రమౌళి, కాంగ్రెస్ నాయకులు రామగోని శంకర్‌గౌడ్, రాచకొండ కృష్ణ,లొంకరి రమేష్, తెలిగే రమేష్ తదితరులు పాల్గొన్నారు.