మండల కాంగ్రెస్ అధ్యక్షునికి ఘన సన్మానం

వెంకటాపురం నూగూరు, మేజర్ న్యూస్, ములుగు జిల్లా వెంకటాపురం మండల కాంగ్రెస్ పార్టీ అధ్యక్షుడిగా రెండోసారి ఎన్నికైన సయ్యద్ హుస్సేన్ కు శుభాకాంక్షలు వెల్లువెత్తాయి. శనివారం ఆయన నివాసంలో వెంకటాపురం కాంగ్రెస్ పార్టీ యూత్ ప్రెసిడెంట్ చిట్టెం సాయికృష్ణ,వెంకటాపురం మేజర్ గ్రామ పంచాయతీ సర్పంచ్ తాటి సరస్వతి, ఉప సర్పంచ్ ఎస్.కె. సన్నీ, వార్డు సభ్యులు ఆయనను కలిసి శాలువాతో సత్కరించి శుభాకాంక్షలు తెలిపారు. ఈ సందర్భంగా నాయకులు మాట్లాడుతూ.. హుస్సేన్ రెండోసారి మండల అధ్యక్షుడిగా ఎన్నిక కావడం పట్ల హర్షం వ్యక్తం చేశారు. ఆయన నాయకత్వంలో పార్టీ మరింత బలోపేతం అవుతుందని ఆకాంక్షించారు.

రిపోర్టర్ ;చక్రిధర్ ,వెంకటాపూర్ ,ములుగు జిల్లా