లోయర్ మానేరు డ్యామ్‌కు కొనసాగుతున్న వరద ప్రవాహం

 

సూర్య కరీంనగర్ ప్రతినిధి 

 

 లోయర్ మానేరు డ్యామ్‌కు వరద ప్రవాహం కొనసాగుతోంది. శుక్రవారం మధ్యాహ్నం 12 గంటల వివరాల ప్రకారం డ్యామ్ నీటిమట్టం 275.16 మీటర్లు (902.55 అడుగులు)గా నమోదైంది. పూర్తి స్థాయి నీటిమట్టం 280.480 మీటర్లు (920 అడుగులు) కాగా, ప్రస్తుతం 11.629 టీఎంసీల నీటి నిల్వ ఉంది. డ్యామ్ పూర్తి సామర్థ్యం 24.034 టీఎంసీలు.డ్యామ్‌కు మొత్తం 5,342 క్యూసెక్కుల ఇన్‌ఫ్లో వస్తుండగా, 249 క్యూసెక్కుల నీటిని దిగువకు విడుదల చేస్తున్నారు. ఇందులో రివర్ ద్వారా 2,992 క్యూసెక్కులు, ఎంఎంఆర్ ద్వారా 2,000 క్యూసెక్కులు, సీఆర్‌ (144.175 కి.మీ.) ద్వారా 350 క్యూసెక్కుల వరద నీరు డ్యామ్‌లోకి చేరుతోంది. స్పిల్‌వే, కెనాల్‌ల ద్వారా నీటి విడుదల ప్రస్తుతం లేదు. ఎంబీ, ఈవీపీ ద్వారా 249 క్యూసెక్కుల నీటిని విడుదల చేస్తున్నారు.