దుర్గమ్మ దీవెనలతో ప్రజలందరికీ సుఖ సంతోషాలు కలగాలి
* దుర్గమ్మ దీవెనలతో ప్రజలందరికీ సుఖసంతోషాలు కలగాలి!
* నవరాత్రి ఉత్సవాల్లో పాల్గొని ప్రత్యేక పూజలు
చేసిన బీజేపీ నేత ఎలిమినేటి నరసింహ రెడ్డి
ఆది పరాశక్తి దుర్గమాత దీవెనలు ప్రజలందరిపై ఉండాలని జీహెచ్‌ఎంసీ 53, 56 డివిజన్ల బీజేపీ అధ్యక్షుడు ఎలిమినేటి నరసింహ రెడ్డి ఆకాంక్షించారు.దేవీ శరన్నవరాత్రి ఉత్సవాల్లో భాగంగా శనివారం ఆదిభట్ల సర్కిల్‌ తుర్కయంజాల్‌ డివిజన్‌ పరిధిలోని శోభానగర్‌ కాలనీలో ఏర్పాటు చేసిన దుర్గమాత మండపాలను సందర్శించి అమ్మవారికి ప్రత్యేక పూజలు నిర్వహించారు. ఈ సందర్భంగా ఆయన మాట్లాడుతూ అమ్మవారి కృపతో ప్రజలందరూ ఆయురారోగ్యాలు, సుఖసంతోషాలతో వర్ధిల్లాలని కోరుకున్నారు. నవరాత్రులు, దసరా పండుగను పురస్కరించుకుని ఆదిభట్ల సర్కిల్‌ ప్రజలకు ముందస్తు శుభాకాంక్షలు తెలిపారు.
ఈ కార్యక్రమంలో బీజేపీ సీనియర్‌ నాయకులు బచ్చిగళ్ల రమేష్‌, శేఖర్‌ రెడ్డి, దుర్గమాత ఉత్సవ నిర్వాహకులు, స్థానిక ప్రజలు, భక్తులు పాల్గొన్నారు.
ఎడ్ల వెంకటేష్ గౌడ్, మేజర్ న్యూస్.
