సొంతగూటికి "యర్రం రెడ్డి "
బుచ్చిరెడ్డిపాలెం,మేజర్ న్యూస్ : గత మూడు రోజుల క్రితం విలేకరుల సమావేశం నిర్వహించి ఎమ్మెల్యే కోటరీ తో ఇమడలేక పార్టీని వీడుతున్నట్లు ప్రకటించిన పెన్నా డెల్టా మాజీ చైర్మన్, జిల్లా గ్రంథాలయ సంస్థ మాజీ అధ్యక్షులు యర్రం రెడ్డి గోవర్ధన్ రెడ్డి శనివారం కోవూరు ఎమ్మెల్యే వేమిరెడ్డి ప్రశాంతి రెడ్డి నివాసంలో జరిగిన చర్చల్లో పాల్గొన్న ఆయన తన కుటుంబ సభ్యుల సూచనల మేరకు తెలుగుదేశం పార్టీలోనే కొనసాగుతానని స్పష్టం చేశారు. అనంతరం ఎమ్మెల్యే వేమిరెడ్డి ప్రశాంతి రెడ్డి మాట్లాడుతూ పార్టీలో ఏమైనా చిన్న చిన్నవిభేదాలుంటే పరస్పరం చర్చించుకుని పరిష్కరించుకోవాలే తప్ప మీడియా వరకు వెళ్లకూడదన్నారు. పార్టీ నాయకులు, కార్యకర్తలు సమన్వయంతో ముందుకు సాగుతూ రానున్న స్థానిక సంస్థల ఎన్నికలలో కూటమి అభ్యర్థుల విజయానికి సమిష్టిగా కృషి చేయాలని పిలుపునిచ్చారు. ఈ చర్చలలో ఎమ్మెల్యే తో పాటు టిడిపి జిల్లా అధ్యక్షులు బీదా రవిచంద్ర, జిల్లా పరిశీలకులు డూండీ రాకేష్ తదితరులున్నారు.
