పోరంకిలో సెంట్రల్ బ్యాంక్ ఆఫ్ ఇండియా నూతన శాఖ ప్రారంభం

పెనమలూరు మేజర్ న్యూస్ : నియోజకవర్గంలోని పోరంకి సెంట్రల్ బ్యాంక్ ఆఫ్ ఇండియా నూతన శాఖను ఎమ్మెల్యే బోడె ప్రసాద్ ఘనంగా ప్రారంభించారు. ఈ సందర్భంగా బ్యాంకు అధికారులు, స్థానికులతో కలిసి నూతన శాఖను ప్రారంభించిన ఆయన మాట్లాడుతూ పెనమలూరు ప్రాంతం వాణిజ్యపరంగా వేగంగా అభివృద్ధి చెందుతోందని, వ్యాపార కార్యకలాపాలు పెరుగుతున్న నేపథ్యంలో బ్యాంకింగ్ సేవలకు కూడా ఆదరణ పెరిగే అవకాశం ఉందన్నారు. ప్రజలకు అందుబాటులో బ్యాంకింగ్ సేవలు విస్తరించడం వల్ల ఖాతాదారులకు ఎంతో ప్రయోజనం కలుగుతుందని పేర్కొన్నారు. ముఖ్యంగా వ్యాపారులు, రైతులు, చిరు వ్యాపారులు, స్వయం సహాయక సంఘాల సభ్యులకు బ్యాంకు సేవలు ఉపయోగపడతాయని తెలిపారు. విజయవాడ ప్రాంతీయ విభాగం పరిధిలో ఈ నూతన శాఖ 49వ శాఖగా ఏర్పాటు చేసినట్లు బ్యాంకు రీజినల్ హెడ్ వెంకటేశ్వరరావు వెల్లడించారు. ఖాతాదారులకు తక్కువ వడ్డీ రుణాలు, బంగారు రుణాలు, స్వయం సహాయక సంఘాలకు అవసరమైన రుణ సదుపాయాలు అందించనున్నట్లు తెలిపారు. ప్రజల అవసరాలకు అనుగుణంగా వివిధ బ్యాంకింగ్ సేవలను అందుబాటులోకి తీసుకువస్తామని పేర్కొన్నారు. నూతన శాఖ ప్రారంభంతో పెనమలూరు పరిసర ప్రాంతాల ప్రజలకు బ్యాంకింగ్ లావాదేవీలు సులభతరం కావడంతో పాటు, స్థానిక వ్యాపార కార్యకలాపాలకు మరింత తోడ్పాటు లభించనుంది.

స్టాఫ్ రిపోర్టర్: ✍️ ప్రేమ్ రాజ్, పెనమలూరు, కృష్ణాజిల్లా.