మహిళలకు కుట్టు మిషన్లు, పేదలకు సీఎంఆర్‌ఎఫ్ చెక్కుల పంపిణీ
విజయవాడ సెంట్రల్, మేజర్ న్యూస్: విజయవాడ సెంట్రల్ నియోజకవర్గంలో పేదలకు అండగా నిలుస్తూ, మహిళలు ఆర్థికంగా స్వావలంబన సాధించేలా సంక్షేమ కార్యక్రమాలు నిర్వహిస్తున్నట్లు ప్రభుత్వ విప్, సెంట్రల్ ఎమ్మెల్యే బొండా ఉమామహేశ్వరరావు తెలిపారు. బుధవారం ఓల్డ్ 23వ డివిజన్, న్యూ 60వ డివిజన్ తెలుగుదేశం పార్టీ కార్యాలయంలో 60వ డివిజన్ ఇన్‌చార్జ్, మాజీ కార్పొరేటర్ నెల్లిబండ్ల బాలస్వామి ఆధ్వర్యంలో నిర్వహించిన కార్యక్రమంలో ఎమ్మెల్యే ముఖ్య అతిథిగా పాల్గొన్నారు. ఈ సందర్భంగా గజ్జలకొండ గజలక్ష్మి, బచ్చు జయలక్ష్మి, కె. వరలక్ష్మికి కుట్టు మిషన్లు పంపిణీ చేశారు. మహిళలు కుట్టు మిషన్ల ద్వారా స్వయం ఉపాధి పొందుతూ కుటుంబాలకు ఆర్థికంగా అండగా నిలవాలని ఆకాంక్షించారు. అదేవిధంగా ముఖ్యమంత్రి సహాయనిధి ద్వారా అనారోగ్య సమస్యలతో బాధపడుతున్న షేక్ ఇస్మాయిల్‌కు రూ.45,160, నెప్పాలి వెంకట సాయి గణేష్‌కు రూ.92,415, దొంగ సరస్వతికి రూ.53,739 విలువైన చెక్కులను అందజేశారు. ముగ్గురు లబ్ధిదారులకు కలిపి మొత్తం రూ.1,91,314 విలువైన చెక్కులను పంపిణీ చేశారు. అనారోగ్య సమస్యలు ఎదురైనప్పుడు పేద, మధ్యతరగతి కుటుంబాలకు ముఖ్యమంత్రి సహాయనిధి ఆర్థిక భరోసా కల్పిస్తుందని బొండా ఉమామహేశ్వరరావు పేర్కొన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాలు అందేలా కృషి చేస్తామని, ప్రజలకు అవసరమైన సమయంలో అండగా నిలవడమే తమ లక్ష్యమని తెలిపారు. ఈ కార్యక్రమంలో డివిజన్ తెలుగుదేశం పార్టీ నాయకులు, కార్యకర్తలు, స్థానిక నాయకులు, లబ్ధిదారులు పాల్గొన్నారు.
స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.
