మచిలీపట్నం అభివృద్ధే ధ్యేయంగా పనిచేస్తా.. : కూటమి మేయర్ అభ్యర్థిని అబ్దుల్ అబీదా 

మచిలీపట్నం మేజర్ న్యూస్ : మచిలీపట్నం నగరపాలక సంస్థ ఎన్నికల్లో కూటమి మేయర్ అభ్యర్థినిగా పోటీ చేస్తున్న షేక్ అబ్దుల్ అబీదా నగరంలోని పలు డివిజన్లలో పర్యటిస్తూ ఎన్నికల ప్రచారం నిర్వహించారు. ఈ సందర్భంగా ఆమె మాట్లాడుతూ, మచిలీపట్నం నగర అభివృద్ధే తన ప్రధాన ధ్యేయమని, ప్రజలకు అవసరమైన మౌలిక వసతులు కల్పించడంతో పాటు నగరాన్ని అన్ని రంగాల్లో అభివృద్ధి చేసేందుకు కృషి చేస్తానని తెలిపారు. తన మేయర్ అభ్యర్థిత్వానికి మద్దతు తెలిపి అవకాశం కల్పించిన ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కళ్యాణ్‌తో పాటు కూటమి నాయకులందరికీ డాక్టర్ హసీమ్ బేగ్ కృతజ్ఞతలు తెలిపారు. ఎన్నికల ప్రచారంలో భాగంగా అబ్దుల్ అబీదా దంపతులు నగరంలోని పలు ఆలయాలు, దర్గాలను సందర్శించి ప్రత్యేక పూజలు నిర్వహించారు. ఈ సందర్భంగా స్థానికులను కలిసి కూటమి అభ్యర్థులకు మద్దతు తెలిపి గెలిపించాలని కోరారు. నగర అభివృద్ధి, ప్రజా సంక్షేమమే లక్ష్యంగా కూటమి ముందుకు సాగుతోందని పేర్కొన్నారు.

స్టాఫ్ రిపోర్టర్: ✍️ ప్రేమ్ రాజ్, మచిలీపట్నం, కృష్ణాజిల్లా.