కర్నూలులో ఖాకీల ఇళ్లలోనే కాలా నైట్

రూ. లక్షల విలువైన సొత్తు అపహరణ
కర్నూలు: కర్నూలు నగరం శ్రీనివాస నగర్‌లో దొంగలు రెచ్చిపోయారు. ఏకంగా పోలీసుల ఇళ్లనే లక్ష్యంగా చేసుకుని భారీ చోరీకి పాల్పడ్డారు. తాళం వేసి ఉన్న హెడ్ కానిస్టేబుల్ మహేష్, ఆర్‌ఎస్‌ఐ (RSI) సుబ్బయ్య ఇళ్లల్లోకి చొరబడి రూ. లక్షల విలువైన బంగారం, వెండి ఆభరణాలు, నగదు దోచుకెళ్లారు.

దోపిడీకి గురైన వివరాలు
23 తులాల బంగారం, 6 తులాల వెండి ఆభరణాలు.
5 తులాల బంగారం, 5 తులాల వెండి, రూ. 30 వేల నగదు.

ఒకే ప్రాంతంలో, అందునా రక్షణ కల్పించే పోలీసుల ఇళ్లలోనే వరుస చోరీలు జరగడంతో స్థానిక ప్రజలు తీవ్ర భయాందోళనకు గురవుతున్నారు. సమాచారం అందుకున్న పోలీసులు సంఘటనా స్థలానికి చేరుకుని పరిశీలించారు. చుట్టుపక్కల ఉన్న సీసీటీవీ (CCTV) ఫుటేజ్‌లను క్షుణ్ణంగా పరిశీలిస్తూ, క్లూస్ టీమ్ సహాయంతో దొంగల కోసం తీవ్రంగా గాలిస్తున్నారు.