క్యూఆర్ పరిధిలో నేడే 'ఇందిరమ్మ ఇళ్ల' అర్హుల తుది జాబితా విడుదల

హైదరాబాద్: గ్రేటర్ హైదరాబాద్ (క్యూఆర్) పరిధిలో ఇందిరమ్మ ఇళ్ల కోసం దరఖాస్తు చేసుకున్న లబ్ధిదారులకు తెలంగాణ ప్రభుత్వం తీపి కబురు అందించింది. అర్హులైన అభ్యర్థుల తుది జాబితాను నేడు (ఆగస్ట్ 25) అధికారికంగా విడుదల చేయనున్నట్లు హౌసింగ్ బోర్డు అధికారులు వెల్లడించారు.

క్యూఆర్ పరిధిలోని 16 నియోజకవర్గాల నుంచి 60,720 మంది దరఖాస్తు చేసుకున్నారు. ఆగస్ట్ 27 నుంచి 30వ తేదీ వరకు పారదర్శకంగా లాటరీ ప్రక్రియను నిర్వహించనున్నారు.

దరఖాస్తుదారులు తమ పేరు అర్హుల జాబితాలో ఉందో లేదో తెలుసుకోవడానికి తెలంగాణ హౌసింగ్ బోర్డు అధికారిక వెబ్‌సైట్ tghb.telangana.gov.in ను సందర్శించి వివరాలు సరిచూసుకోవచ్చు. ఏవైనా సందేహాలు లేదా సమాచారం కోసం కాల్ సెంటర్ నంబర్ 040-24603572 ను సంప్రదించవచ్చని హౌసింగ్ బోర్డు వీసీ తెలియజేశారు.