telanagana
గచ్చిబౌలిలో ప్రమాదకర భవనాల కూల్చివేత
హైదరాబాద్: గచ్చిబౌలి అంజయ్య నగర్లో ఇటీవల భవనం కూలిన ఘటనను తీవ్రంగా పరిగణించిన అధికారులు.. ఆ సమీపంలో ప్రమాదకరంగా ఉన్న మరికొన్ని భవనాల కూల్చివేత ప్రక్రియను ఆదివారం సాయంత్రం వేగవంతం చేశారు.
వరద కాలువను (నాలా) ఆక్రమించి నిబంధనలకు విరుద్ధంగా నిర్మాణాలు చేపట్టినట్లు ప్రాథమికంగా తేలింది. అనుమతులకు మించి ఏడు నుంచి ఎనిమిది అంతస్తుల వరకు నిర్మించడంతో భవనం పునాదుల పటిష్టత దెబ్బతిన్నట్లు హైడ్రా (HYDRAA) కమిషనర్ ఏవీ రంగనాథ్ వెల్లడించారు.
ఈ ప్రమాదంలో మరణించిన నిరుపేద కూలీల కుటుంబాలను ప్రభుత్వం సత్వరమే ఆదుకోవాలని, తగిన పరిహారం అందించాలని స్థానికులు విజ్ఞప్తి చేస్తున్నారు. కాగా, నిబంధనలు ఉల్లంఘించి అక్రమ నిర్మాణానికి పాల్పడిన భవన నిర్మాణదారుడు (బిల్డర్) సయ్యద్ సాజిద్పై కేసు నమోదు చేసిన పోలీసులు, అతడిని అరెస్ట్ చేసి విచారిస్తున్నారు.
