లారీ డ్రైవర్పై రవాణా శాఖ అధికారి డ్రైవర్ దాడి
ఏపీ లారీ అసోసియేషన్ ఆగ్రహం!
విశాఖపట్నం:విశాఖపట్నంలో రవాణా శాఖ తనిఖీల సందర్భంగా తీవ్ర ఉద్రిక్తత చోటుచేసుకుంది. లారీ డ్రైవర్పై బ్రేక్ ఇన్స్పెక్టర్ డ్రైవర్ భౌతిక దాడికి పాల్పడటంతో వివాదం చెలరేగింది.
విశాఖపట్నంలోని షీలా నగర్ మారుతి జంక్షన్ వద్ద రవాణా శాఖ అధికారులు వాహనాల తనిఖీలు చేపట్టారు. ఆ సమయంలో తనిఖీల కోసం అధికారులు సంకేతం ఇచ్చినప్పటికీ ఓ లారీ ఆపకుండా ముందుకు వెళ్ళిపోయింది. దీంతో ఆగ్రహానికి గురైన బ్రేక్ ఇన్స్పెక్టర్ పార్వతి వాహన డ్రైవర్, ఆ లారీని వేగంగా ఓవర్టేక్ చేసి అడ్డుకున్నాడు. అనంతరం లారీ డ్రైవర్పై రక్తం వచ్చేలా దారుణంగా దాడికి పాల్పడ్డాడు.
లారీ అసోసియేషన్ నిరసన
విధి నిర్వహణ పేరుతో రవాణా శాఖ సిబ్బంది లారీ డ్రైవర్పై భౌతిక దాడికి దిగడాన్ని ఆంధ్రప్రదేశ్ లారీ అసోసియేషన్ సభ్యులు తీవ్రంగా ఖండించారు. డ్రైవర్పై దాడికి పాల్పడిన వారిపై కఠిన చర్యలు తీసుకోవాలని డిమాండ్ చేస్తూ నిరసన ధర్నాకు సిద్ధమయ్యారు.
