గన్నవరం ప్రథమ శ్రేణి గ్రంథాలయంలో ఘనంగా డా. ఏపీజే అబ్దుల్‌ కలాం జయంతి వేడుకలు..
గన్నవరం, మేజర్ న్యూస్.
భారత మాజీ రాష్ట్రపతి, భారతరత్న డా. ఏపీజే అబ్దుల్‌ కలాం 95వ జయంతి సందర్భంగా గన్నవరం ప్రథమ శ్రేణి గ్రంథాలయం ఆధ్వర్యంలో గురువారం ఘనంగా నివాళులర్పించారు. ఈ సందర్భంగా గ్రంథాలయాధికారి కె. నాగరాజు, గ్రంథాలయ సభ్యులు కలాం చిత్రపటానికి పూలమాలలు వేసి ఘనంగా నివాళులర్పించారు. ఈ సందర్భంగా గ్రంథాలయాధికారి కె. నాగరాజు మాట్లాడుతూ డా. ఏపీజే అబ్దుల్‌ కలాం ఒక వ్యక్తి మాత్రమే కాదని, దేశ యువతకు స్ఫూర్తినిచ్చిన మహాశక్తి అని కొనియాడారు. రాష్ట్రపతి భవన్‌ నుంచి పాఠశాల తరగతి గది వరకు ప్రతి ఒక్కరికీ ఆయన జీవితం ఆదర్శప్రాయమన్నారు. కలాం ఇచ్చిన “కలలు కనండి.. ఆ కలలను సాకారం చేసుకోండి” అనే సందేశం నేటి యువతకు దిక్సూచిగా నిలుస్తుందన్నారు. విద్యార్థులు కష్టపడి చదివి ఉన్నత లక్ష్యాలను సాధించాలని, దేశ అభివృద్ధికి తమ వంతు సేవలందించాలని పిలుపునిచ్చారు. కలాం చూపిన మార్గంలో నిజాయితీ, క్రమశిక్షణ, నిరంతర కృషితో ముందుకు సాగాలని సూచించారు. ఈ కార్యక్రమంలో గ్రంథాలయ పాఠకులు, సిబ్బంది, సభ్యులు తదితరులు పాల్గొన్నారు.
సూర్య ప్రతినిధి: గుర్రం ప్రసాద్, గన్నవరం, కృష్ణాజిల్లా.
