ఏపీ ప్రభుత్వ నిర్ణయం + ప్రజలకు ఊరట

అమరావతి, సూర్య ప్రతినిధి : ఉల్లి ధరలు పెరుగుతున్న నేపథ్యంలో ఆంధ్రప్రదేశ్ ప్రభుత్వం కీలక నిర్ణయం తీసుకుంది. వినియోగదారులకు ఊరట కల్పించేందుకు సబ్సిడీపై కిలో ఉల్లిని రూ.35కే విక్రయించాలని నిర్ణయించింది.

నేటి నుంచి రాష్ట్రంలోని అన్ని రైతుబజార్లలో సబ్సిడీ ఉల్లి అందుబాటులోకి రానుంది. పెరిగిన ఉల్లి ధరల భారాన్ని తగ్గించడంతో పాటు సామాన్యులకు అందుబాటు ధరలో ఉల్లి లభించేలా ప్రభుత్వం ఈ చర్యలు చేపట్టింది.

రైతుబజార్లలో నిర్ణయించిన ధరకు ఉల్లి విక్రయించేలా అధికారులు ఏర్పాట్లు చేస్తున్నారు. వినియోగదారులు రైతుబజార్లలో సబ్సిడీ ఉల్లిని కొనుగోలు చేసుకోవచ్చని ప్రభుత్వం తెలిపింది.