నల్గొండ జిల్లా శాలిగౌరారం మండలం అడ్లూరు గ్రామంలో సద్దుల బతుకమ్మ వేడుకలను ఘనంగా నిర్వహించారు.

అడ్లూరులో ఘనంగా సద్దుల బతుకమ్మ వేడుకలు

శాలిగౌరారం, అక్టోబర్:  

 గ్రామ సర్పంచ్ కట్టా లక్ష్మమ్మ–వెంకట్ రెడ్డి ఆధ్వర్యంలో జరిగిన ఈ వేడుకల్లో మహిళలు పెద్ద సంఖ్యలో పాల్గొని రంగురంగుల పూలతో బతుకమ్మలను పేర్చి తెలంగాణ సంస్కృతి, సంప్రదాయాలను చాటిచెప్పారు.
మహిళలు సంప్రదాయ దుస్తులు ధరించి బతుకమ్మల చుట్టూ ఆటపాటలతో సందడి చేశారు. గ్రామంలో పండుగ వాతావరణం నెలకొంది. తెలంగాణ ఆడపడుచుల ఆత్మగౌరవానికి ప్రతీకగా నిలిచే బతుకమ్మ పండుగను అందరూ ఐక్యంగా జరుపుకోవడం ఆనందంగా ఉందని నిర్వాహకులు తెలిపారు.
ఈ సందర్భంగా గ్రామ ప్రజలకు సద్దుల బతుకమ్మ పండుగ శుభాకాంక్షలు తెలియజేశారు.