రేవంత్ రెడ్డికి కేటీఆర్ సవాల్
"కేసీఆర్ రాజీనామా చేస్తే తట్టుకునే శక్తి నీకు ఉందా?"
హైదరాబాద్: ముఖ్యమంత్రి రేవంత్ రెడ్డి లక్ష్యంగా బిఆర్ఎస్ కార్యనిర్వాహక అధ్యక్షుడు కేటీఆర్ ఘాటు వ్యాఖ్యలు చేశారు. గతంలో కేసీఆర్ రాజీనామా చేస్తే ఢిల్లీ కేంద్ర ప్రభుత్వమే దిగివచ్చి ప్రత్యేక తెలంగాణ రాష్ట్రాన్ని ప్రకటించిందని ఆయన గుర్తుచేశారు.
కేసీఆర్కు రాజీనామాలు చేయడం కొత్తేమీ కాదని, ఆయన ఒకసారి రాజీనామా విసిరితే ఆ ప్రభావం ఏ స్థాయిలో ఉంటుందో కాంగ్రెస్ నాయకత్వానికి బాగా తెలుసని కేటీఆర్ పేర్కొన్నారు. "గతంలో కేసీఆర్ రాజీనామా దెబ్బకు మీ అగ్రనేత సోనియా గాంధీనే గజగజ వణికిపోయారు. అలాంటిది కేసీఆర్ గనక ఇప్పుడు రాజీనామా చేస్తే ఆ రాజకీయాఘాతాన్ని తట్టుకునే శక్తి నీకు ఉందా రేవంత్ రెడ్డి?" అంటూ కేటీఆర్ తీవ్ర స్థాయిలో ధ్వజమెత్తారు.
ప్రస్తుత రాజకీయ పరిణామాల నేపథ్యంలో కాంగ్రెస్ ప్రభుత్వంపై, ముఖ్యమంత్రి వైఖరిపై కేటీఆర్ చేసిన ఈ వ్యాఖ్యలు ఇప్పుడు రాష్ట్ర రాజకీయాలో తీవ్ర దుమారం రేపుతున్నాయి.
