Apple కంపెనీలో ఊహించని బిగ్ షాక్ - టాప్ పదవిలో భారీ మార్పు!
ప్రపంచ టెక్ దిగ్గజం Apple లో చరిత్రాత్మక ఘట్టం చోటుచేసుకుంది. గత 15 సంవత్సరాలుగా కంపెనీని అత్యున్నత శిఖరాలకు తీసుకెళ్లిన Tim Cook తన CEO పదవికి వీడ్కోలు పలికారు. ఆయన స్థానంలో కంపెనీకి అత్యంత నమ్మకమైన, అనుభవజ్ఞుడైన వ్యక్తిని ఎంపిక చేశారు. నిన్న అంటే సెప్టెంబర్ 1వ తేదీ నుండి Apple కొత్త చీఫ్ ఎగ్జిక్యూటివ్ ఆఫీసర్ గా John Ternus అధికారికంగా బాధ్యతలు స్వీకరించారు.Tim Cook తర్వాత Apple పగ్గాలు ఎవరు చేపడతారు అనే దానిపై చాలా కాలంగా చర్చ జరుగుతూనే ఉంది. చివరకు కంపెనీ బోర్డు హార్డ్ వేర్ విభాగానికి చెందిన సీనియర్ అయిన జాన్ టెర్నస్ ను ఎంపిక చేయడం ఇప్పుడు హాట్ టాపిక్ గా మారింది. Tim Cook ఇకపై Executive Chairman గా కొనసాగనున్నారు.25 ఏళ్ల Apple జర్నీ - iPhone నుండి Vision Pro వరకు ఆయన హవాయే!John Ternus అంటే Apple కు కొత్త వ్యక్తి కాదు. ఆయన గత 25 సంవత్సరాలుగా Apple లోనే పనిచేస్తున్నారు. 2001లో ప్రొడక్ట్ డిజైన్ టీంలోకి జాయిన్ అయిన ఆయన, అంచెలంచెలుగా ఎదిగారు. iMac హార్డ్ వేర్ టీంకు లీడ్ గా, ఆ తర్వాత iPhone హార్డ్ వేర్ ప్రోగ్రామ్ హెడ్ గా, చివరకు Senior Vice President of Hardware Engineering గా కీలక బాధ్యతలు నిర్వహించారు.మనం రోజూ వాడుతున్న iPhone, iPad, Mac, Apple Watch, AirPods, కొత్తగా వచ్చిన Apple Vision Pro వంటి ప్రతి ప్రొడక్ట్ వెనుక జాన్ టెర్నస్ మరియు ఆయన టీం కృషి ఉంది. మెకానికల్ ఇంజనీరింగ్ లో University of Pennsylvania నుండి డిగ్రీ పూర్తి చేసిన ఆయన, పూర్తిగా ఇంజనీరింగ్ బ్యాక్ గ్రౌండ్ ఉన్న వ్యక్తి. Tim Cook ఆపరేషన్స్ లో దిట్ట అయితే, Ternus ప్రొడక్ట్ డెవలప్మెంట్ లో మాస్టర్ అని చెబుతారు.సెప్టెంబర్ 9న అసలు పరీక్ష - కొత్త CEO గా తొలి స్టేజ్!ఇప్పుడు అందరి కళ్ళు సెప్టెంబర్ 9న జరగబోయే Apple Event పైనే ఉన్నాయి. ఎందుకంటే కొత్త CEO గా John Ternus తొలిసారి స్టేజ్ మీదకు రాబోతున్నారు. ఈ ఈవెంట్ లో iPhone 17 సిరీస్, కొత్త ఫోల్డబుల్ ఫోన్, మరియు Siri కొత్త వెర్షన్ లాంచ్ అవుతాయని లీకులు వస్తున్నాయి. మరి కొత్త CEO తన మార్క్ ఏ విధంగా చూపిస్తారో చూడాలి.
