రక్షా బంధన్ వేళ రాజధానిలో కట్టుదిట్టమైన భద్రత

లజ్‌పత్ నగర్‌లో DCP వినీత్ కుమార్ ఫ్లాగ్ మార్చ్
న్యూఢిల్లీ: రక్షా బంధన్ పండుగను పురస్కరించుకుని దేశ రాజధాని ఢిల్లీలో పోలీసులు భద్రతను కట్టుదిట్టం చేశారు. ఇందులో భాగంగా సౌత్-ఈస్ట్ జిల్లా డిసిపి (DCP) వినీత్ కుమార్ నేతృత్వంలో పోలీసు సిబ్బంది లజ్‌పత్ నగర్ సెంట్రల్ మార్కెట్ ప్రాంతంలో విస్తృత ఫ్లాగ్ మార్చ్ నిర్వహించి, భద్రతా ఏర్పాట్లను ప్రత్యక్షంగా సమీక్షించారు.

పండుగ కొనుగోళ్ల వల్ల విపరీతమైన రద్దీ ఉండే లజ్‌పత్ నగర్ సెంట్రల్ మార్కెట్‌లో ప్రజలకు, వ్యాపారులకు ఎలాంటి ఇబ్బందులు కలగకుండా తగిన రక్షణ చర్యలు చేపట్టారు. పండుగ వేళ అవాంఛనీయ సంఘటనలు జరగకుండా నిరోధించడం, శాంతిభద్రతలను పటిష్టంగా కాపాడటమే లక్ష్యంగా ఈ ఫ్లాగ్ మార్చ్ నిర్వహించినట్లు అధికారులు తెలిపారు. పోలీసు బృందాలు స్వయంగా రంగంలోకి దిగి మార్కెట్ వీధుల్లో పర్యటించడంతో వినియోగదారులు, స్థానిక వ్యాపారులు భద్రతపై ధీమా వ్యక్తం చేశారు.