కడప 27వ డివిజన్ సిపిఐ అభ్యర్థిగా వెంకట శివ నామినేషన్ దాఖలు
కడప 27వ డివిజన్ సిపిఐ అభ్యర్థిగా ఎన్. వెంకట శివ నామినేషన్ దాఖలు.
నల్లకోటు ధరించి, భారత రాజ్యాంగం చేతబట్టి నామినేషన్ కేంద్రానికి రాక..
కడప నగరపాలక సంస్థ ఎన్నికల్లో 27వ డివిజన్ కార్పొరేటర్‌ అభ్యర్థిగా భారత కమ్యూనిస్టు పార్టీ (సిపిఐ) కడప నగర కార్యదర్శి, అడ్వకేట్ ఎన్. వెంకట శివ ఆదివారం నామినేషన్ దాఖలు చేశారు. నామినేషన్ల దాఖలుకు చివరి రోజైన ఆదివారం గాంధీనగర్‌ మున్సిపల్‌ హైస్కూల్‌లో ఏర్పాటు చేసిన నామినేషన్ కేంద్రంలోని ఆర్ ఓ కు వారు తన నామినేషన్ పత్రాలను సమర్పించారు.
ఈ సందర్భంగా ఎన్. వెంకట శివ ఎర్రముక్కపల్లె సర్కిల్‌ నుంచి సీపీఐ, వామపక్ష ప్రజాసంఘాల నాయకులు, కార్యకర్తలతో కలిసి నామినేషన్ కేంద్రానికి చేరుకున్నారు. న్యాయవాదిగా తన వృత్తికి ప్రతీకగా నల్లకోటు ధరించి, ప్రజాస్వామ్యానికి, పౌరుల హక్కులకు, రాజ్యాంగ విలువలకు ప్రతీకగా భారత రాజ్యాంగం పుస్తకాన్ని చేతబట్టి నామినేషన్ కేంద్రానికి రావడం ప్రత్యేక ఆకర్షణగా నిలిచింది.
ప్రజా సమస్యల పరిష్కారం, పేదలు, కార్మికులు, నిరుపేద మధ్యతరగతి ప్రజల హక్కుల పరిరక్షణ, ప్రజలకు జవాబుదారీగా ఉండే పాలన లక్ష్యంగా ఎన్నికల బరిలో నిలుస్తున్నట్లు సిపిఐ జిల్లా కార్యదర్శి గాలి చంద్ర,సిపిఐ అభ్యర్థి ఎన్. వెంకట శివ పేర్కొన్నారు. ఈ కార్యక్రమంలో వామపక్ష ,ప్రజాసంఘాల నాయకులు అడ్వకేట్ సంపత్ కుమార్, సి ఆర్ వి ప్రసాద్, సుబ్బరాయుడు అంకన్న ఓబులేసు జయవర్ధన్ జగదీష్ సిపిఐ నాయకులు సుబ్రహ్మణ్యం కేసి బాదుల్లా, చంద్రశేఖర్, శంకర్ నాయక్, బ్రహ్మం, మల్లికార్జున, భాగ్యలక్ష్మి లింగన్న , నారాయణ, శివ నాగేంద్ర, ఈశ్వరయ్య, సుబ్బరాయుడు, గడ్డం శీను, రాముడు, దస్తగిరమ్మ, పెంచలయ్య, నరేష్ తదితరులు పాల్గొన్నారు.
కడప, రిపోర్టర్, వేణు.
