ఎన్నికలు ప్రశాంతంగా జరిగేలా పార్టీలు సహకరించాలి.

.బుట్టాయగూడెం: మేజర్ న్యూస్:  ఎన్నికలు  ప్రశాంత వాతావరణంలో జరిగేలా అన్ని రాజకీయ పార్టీలు సహకరించాలని మండల రిటర్నింగ్ అధికారి  ఏవి సుబ్బరాయన, ఎంపీడీవో కుంజా జ్యోతి, ఎస్సై చెన్నారావు లు  తెలిపారు. స్థానిక ఎంపీడీవో కార్యాలయం వద్ద ఎన్నికల నిర్వహణపై వివిధ రాజకీయ పార్టీల నాయకులతో ఆదివారం సమావేశం ఏర్పాటు చేశారు.  రాష్ట్ర ఎన్నికల కమిషన్  ఆదేశాల మేరకు    ఎంపీపీ జడ్పిటిసి ఎన్నికలను  ప్రశాంతంగా నిర్వహించేలా చూడవలసిన బాధ్యత ప్రతి ఒక్కరిపై ఉందని అన్నారు.నామినేషన్ల  ప్రక్రియ, ఎన్నికల నిర్వహణలో పాటించాల్సిన నియమ నిబంధనలు  వివరించారు.   శాంతిభద్రతల పరిరక్షణకు ప్రతి ఒక్కరు సహకరించాలని  చెప్పారు. ఎన్నికలను స్వేచ్ఛాయుతంగా, నిష్పక్షపాతంగా, ప్రశాంత వాతావరణంలో జరిగేలా అన్ని రాజకీయ పార్టీలు నియమ నిబంధనలు  పాటించాలని కోరారు.  

 రిపోర్టర్ మధు బుట్టాయిగూడెం ఏలూరు జిల్లా