telanagana
మహబూబాబాద్ మండల ఉత్తమ ఫిజికల్ డైరెక్టర్ అవార్డు పొందిన పోరిక అనిల్ కుమార్
మహబూబాబాద్, సెప్టెంబర్ 11: విద్యార్థులకు క్రీడారంగంలో విశేష శిక్షణ అందిస్తూ, వారిని జిల్లా మరియు జాతీయ స్థాయిలలో రాణించేలా తీర్చిదిద్దిన పోరిక అనిల్ కుమార్ మహబూబాబాద్ మండల ఉత్తమ ఫిజికల్ డైరెక్టర్ (పీడీ) అవార్డును అందుకున్నారు.
శుక్రవారం నిర్వహించిన కార్యక్రమంలో మహబూబాబాద్ మండల విద్యాశాఖాధికారి (ఎంఈవో) వెంకటేశ్వర్లు చేతుల మీదుగా అనిల్ కుమార్ ఈ అవార్డును ప్రదానం చేశారు. ఈ సందర్భంగా ఎంఈవో మాట్లాడుతూ, అనిల్ కుమార్ అందించిన సేవలు ప్రశంసనీయమని, భవిష్యత్తులో కూడా మరింత మంది విద్యార్థులను జిల్లా, జాతీయ స్థాయిల్లో విజేతలుగా తీర్చిదిద్దాలని ఆకాంక్షించారు.
ఈ కార్యక్రమంలో జిల్లా ఉపాధ్యాయులు, పీఈటీలు, ఫిజికల్ డైరెక్టర్లు మరియు విద్యార్థులు పెద్ద సంఖ్యలో పాల్గొని అవార్డు గ్రహీత అనిల్ కుమార్కు శుభాకాంక్షలు తెలిపారు.
