నెల్లూరు ప్రభుత్వ బడులకు ఇంటర్నేషనల్ లుక్: పొంగూరు షరిణి

నెల్లూరు ప్రభుత్వ బడులకు ఇంటర్నేషనల్ లుక్: పొంగూరు షరిణి
* కార్పొరేట్‌కి పోటీగా నెల్లూరు సర్కారీ బడులు
* పాఠశాలల పనులను పరిశీలించిన పొంగూరు షరణి
* సెప్టెంబర్ 16న మంత్రి నారా లోకేష్ చేతుల మీదుగా పాఠశాలల ప్రారంభం

నెల్లూరు సిటీ,మేజర్ న్యూస్ :  నెల్లూరులో ప్రభుత్వ పాఠశాలలు అంతర్జాతీయ స్థాయి రూపురేఖలను సంతరించుకుంటున్నాయి...ములపేటలోని  మరియు స్టోన్ హౌస్ పేటలోని  ప్రభుత్వ పాఠశాలల్లో జరుగుతున్న అభివృద్ధి పనులను మంత్రి డాక్టర్ పొంగూరు నారాయణ గారి కుమార్తె పొంగూరు షరణి క్షేత్రస్థాయిలో పరిశీలించారు.​గతంలో విఆర్ స్కూల్‌ను ఏ విధంగానైతే కార్పొరేట్‌కు పోటీగా అభివృద్ధి చేశారో, తన తండ్రి గారు అప్పగించిన బాధ్యతతో ఈ రెండు పాఠశాలలను కూడా అదే ఇంటర్నేషనల్ స్టాండర్డ్స్, ఆంబియన్స్ మరియు మోడరన్ ఇన్‌ఫ్రాస్ట్రక్చర్‌తో తీర్చిదిద్దుతున్నట్లు ఆమె తెలిపారు.ప్రస్తుతం గ్రౌండ్ వర్క్స్ మరియు ఇన్‌ఫ్రాస్ట్రక్చర్ పనులు శరవేగంగా జరుగుతున్నాయన్నారు..​నెల్లూరులో చాలా మంది నిరుపేదలు ఉన్నారని, పేద పిల్లల బడుల్లో హాజరు శాతం చాలా తక్కువగా ఉంటుందని స్పష్టం చేసిన షరణి.. పిల్లలు స్కూల్‌కి రావడానికి ఇష్టపడేలా మంచి అట్మాస్ఫియర్ క్రియేట్ చేయడమే తమ ప్రధాన సంకల్పమని వెల్లడించారు. ఈ రెండు పాఠశాలల్లో ఆకౌస్టిక్ ప్యానెల్స్ ఉన్న హైటెక్ తరగతి గదులతో పాటు కంప్యూటర్ ల్యాబ్, రోబోటిక్స్ ల్యాబ్, కొత్త కాన్సెప్ట్‌తో ఆస్ట్రానమీ ల్యాబ్, అలాగే ఆర్ట్ రూమ్, మ్యూజిక్ రూమ్ మరియు యాక్టివిటీ రూమ్‌లను అందుబాటులోకి తెస్తున్నట్లు వివరించారు.​పిల్లలు బాగా చదువుకుంటే నెల్లూరుతో పాటు మన భారతదేశం కూడా అభివృద్ధి చెందుతుందనే గొప్ప లక్ష్యంతో ఈ పనులు చేపడుతున్నామని ఆనందం వ్యక్తం చేశారు. ఒక్కో పాఠశాలలో 1,000 మంది విద్యార్థుల సామర్థ్యంతో రీ-డిజైన్ చేస్తున్న ఈ రెండు స్కూళ్లను సెప్టెంబర్ 16వ తేదీన రాష్ట్ర విద్యాశాఖ మంత్రి నారా లోకేష్ గారు చేతుల మీదుగా పునఃప్రారంభించనున్నట్లు షరణి  వెల్లడించారు.