సీఎం విజయ్ కీలక నిర్ణయాలు

పరందూర్ విమానాశ్రయం రద్దు, ఉచిత గ్యాస్ సిలిండర్ల పథకం ప్రకటన: 
చెన్నై శివార్లలోని పరందూర్‌లో ప్రతిపాదించిన రెండవ విమానాశ్రయ ప్రాజెక్టును రద్దు చేస్తున్నట్లు తమిళనాడు ప్రభుత్వం అధికారికంగా ప్రకటించింది. ప్రజల నుంచి ఎలాంటి వ్యతిరేకత లేని ప్రాంతంలోనే కొత్త విమానాశ్రయాన్ని ప్రతిపాదిస్తామని తమిళనాడు ముఖ్యమంత్రి విజయ్ స్పష్టం చేశారు. ఈ సందర్భంగా ప్రజలకు సంక్షేమ పథకాలను ప్రకటిస్తూ 'అన్నపూర్ణై సూపర్ సిక్స్' పథకం వివరాలను సీఎం వెల్లడించారు.

ఈ పథకం కింద ప్రతి ఏటా తమిళనాడులోని ప్రతి ఇంటికి మూడు ఉచిత గ్యాస్ సిలిండర్లు అందించబడతాయి.
సిలిండర్ల కొనుగోలుకు సరిపడా మొత్తాన్ని తమిళనాడు ప్రభుత్వం నేరుగా వినియోగదారుల బ్యాంక్ ఖాతాల్లో జమ చేస్తుంది. రాబోయే పొంగల్ పండుగ (జనవరి 14) నుంచి ఈ పథకం అమల్లోకి రానుంది.

వార్షిక ఆదాయం ₹2.5 లక్షల కంటే తక్కువ ఉన్న కుటుంబాలు, చిన్న మరియు సన్నకారు రైతులు, దివ్యాంగుల కుటుంబాలు మరియు ఇతర బలహీన వర్గాలు ప్రయోజనం పొందుతారు. దీని ద్వారా సుమారు 1.30 కోట్ల కుటుంబాలకు లబ్ధి చేకూరనుంది. ఈ పథకం అమలు కోసం రాష్ట్ర ప్రభుత్వం ఏటా సుమారు ₹4,000 కోట్లను కేటాయించనుంది.