హోర్ముజ్ జలసంధిలో మందుపాతరలు తొలగించాం

ఇరాన్‌కు డోనాల్డ్ ట్రంప్ హెచ్చరిక!
వాషింగ్టన్: కీలకమైన హోర్ముజ్ జలసంధిలో సముద్ర రవాణా భద్రతపై అమెరికా అధ్యక్షుడు డోనాల్డ్ ట్రంప్ సంచలన వ్యాఖ్యలు చేశారు. అంతర్జాతీయ జలాల్లో అమర్చిన మందుపాతరల (వాటర్ మైన్స్) అన్నింటినీ అమెరికా నావికాదళం పూర్తిగా తొలగించిందని లేదా ధ్వంసం చేసిందని ఆయన వెల్లడించారు. ఈ మేరకు తన సొంత సోషల్ మీడియా ప్లాట్‌ఫామ్ 'ట్రూత్ సోషల్' (Truth Social) వేదికగా ఆయన ఒక పోస్ట్ చేశారు.

హోర్ముజ్ జలసంధిలో మళ్ళీ మందుపాతరలు అమర్చేందుకు ప్రయత్నిస్తే తీవ్ర పరిణామాలు ఉంటాయని ట్రంప్ ఇరాన్‌ను నేరుగా హెచ్చరించారు. "కొత్తగా మందుపాతరలను అమర్చేందుకు ఏ ఓడ లేదా చిన్న పడవ వచ్చినా.. దాన్ని తక్షణమే మరియు క్రమపద్ధతిలో (systematically) ధ్వంసం చేస్తామని ఇరాన్‌కు స్పష్టంగా తెలియజేశాం" అని పేర్కొన్నారు.

అంతర్జాతీయ చమురు మరియు రవాణా మార్గమైన హోర్ముజ్ జలసంధిలో సముద్ర ప్రయాణాలకు ఎలాంటి విఘాతం కలగకుండా నిరోధించేందుకు అమెరికా సైన్యం తీవ్ర నిఘా ఉంచిందని, అక్కడ శాంతిభద్రతలను కాపాడటంలో రాజీపడేది లేదని ఈ వ్యాఖ్యల ద్వారా ఆయన స్పష్టం చేశారు.