రవితేజ ‘ఇరుముడి’కి బాక్సాఫీస్ షేక్.. జనరేషనల్ బ్లాక్బస్టర్గా సెన్సేషన్!
మాస్ మహారాజా రవితేజ హీరోగా, శివ నిర్వాణ దర్శకత్వంలో మైత్రీ మూవీ మేకర్స్ నిర్మించిన ‘ఇరుముడి’ చిత్రం బాక్సాఫీస్ వద్ద రికార్డులు సృష్టిస్తూ జెనరేషనల్ బ్లాక్బస్టర్గా నిలిచింది. ఆగస్టు 21న విడుదలైన ఈ సినిమా అద్భుతమైన వసూళ్లతో విజయవంతంగా ప్రదర్శించబడుతున్న సందర్భంగా చిత్ర యూనిట్ గ్రాండ్గా ప్రెస్మీట్ నిర్వహించింది.
ఈ కార్యక్రమంలో నిర్మాతలు నవీన్ ఎర్నేని, వై. రవిశంకర్ మాట్లాడుతూ, తమ బ్యానర్లో ఎన్నో విజయవంతమైన చిత్రాలు వచ్చినప్పటికీ, 'ఇరుముడి' విజయం మాత్రం నెక్స్ట్ లెవెల్లో ఉందని, ఇలాంటి అద్భుతాలు దశాబ్దానికి ఒకసారి మాత్రమే జరుగుతాయని పేర్కొన్నారు. కేవలం నైజాం ప్రాంతంలోనే సుమారు 42 లక్షల మంది ఈ చిత్రాన్ని వీక్షించారని, సినిమాకు వస్తున్న ప్రేక్షకుల తాకిడి చూస్తుంటే సంతోషంగా ఉందని తెలిపారు.
దర్శకుడు శివ నిర్వాణ మాట్లాడుతూ, రియలిస్టిక్ వరల్డ్ మరియు బలమైన ఎమోషన్స్ ఈ సినిమా విజయానికి ప్రధాన కారణమని తెలిపారు. తండ్రీకూతుళ్ల అనుబంధం మరియు కుటుంబ విలువలతో తెరకెక్కిన ఈ కథ అన్ని వర్గాల ప్రేక్షకులను విశేషంగా ఆకట్టుకుందని, మూడు తరాల ప్రేక్షకులు థియేటర్లకు తరలివస్తున్నారని చెప్పారు. రవితేజను పూర్తిగా కొత్త కోణంలో చూపించడంలో విజయం సాధించామని, ప్రేక్షకుల నుంచి వస్తున్న స్పందన తనకెంతో సంతృప్తినిచ్చిందని అన్నారు.
ఈ చిత్రంలో కీలక పాత్ర పోషించిన నటి నక్షత్ర తెలుగులో తన మొదటి సినిమాతోనే ఘన విజయం అందుకోవడం పట్ల సంతోషం వ్యక్తం చేశారు. త్వరలోనే ఈ సినిమాకు సంబంధించి మరింత గ్రాండ్గా విజయోత్సవ వేడుకను నిర్వహించనున్నట్లు మేకర్స్ వెల్లడించారు.
