ప్రథమ నంది దేవస్థానం వద్ద కూలిపోయిన బ్రిడ్జి సమస్యను శాశ్వతంగా పరిష్క రిస్తాం-రాష్ట్ర న్యాయ, మైనార్టీ సంక్షేమ శాఖ మంత్రి ఎన్ఎండి. ఫరూక్

-ప్రథమ నంది దేవస్థానం బ్రిడ్జి పునరుద్ధరణ పనులకు మంత్రి ఎన్ఎండి ఫరూక్ ఆదేశం

-కూలిన బ్రిడ్జికి యుద్ధప్రాతిపదికన మరమ్మతులు- నూతన బ్రిడ్జి నిర్మాణానికి ప్రతిపాదనలు ఆమోదం

-మాడవీధిలో టీటీడీ ఆలయ నిర్మాణానికి స్థల పరిశీలన
నంద్యాల అర్బన్:
నంద్యాలలోని ప్రముఖ పుణ్యక్షేత్రం శ్రీ ప్రథమ నంది దేవస్థానం వద్ద కూలిపోయిన బ్రిడ్జి సమస్యను శాశ్వతంగా పరిష్కరిస్తామని రాష్ట్ర న్యాయ, మైనార్టీ సంక్షేమ శాఖ మంత్రి ఎన్ఎండి. ఫరూక్ స్పష్టం చేశారు.
గత వారంలో కురిసిన వర్షాల ప్రభావంతో ప్రథమ నంది దేవస్థానం వద్ద ఉన్న వంతెన (బ్రిడ్జి) ఒకవైపు కూలిపోవడంతో భక్తులు, స్థానికులు తీవ్ర ఇబ్బందులు ఎదుర్కొన్నారు. ఈ సమస్యను దేవస్థానం చైర్మన్ చలం బాబు మంత్రి ఫరూక్ దృష్టికి తీసుకువెళ్లారు. దీనిపై వెంటనే స్పందించిన మంత్రి, గతంలోనే అధికారులతో కలిసి క్షేత్రస్థాయిలో బ్రిడ్జి ప్రాంగణాన్ని పరిశీలించారు. ఈ క్రమంలో కూలిపోయిన వంతెనకు తక్షణమే అవసరమైన మరమ్మతు పనులను చేపట్టడంతో పాటు, రాబోయే రోజుల్లో భక్తులకు ఎలాంటి ఆటంకం కలగకుండా నూతన బ్రిడ్జి నిర్మాణానికి అవసరమైన ప్రతిపాదనలకు నిధులు మంజూరు చేయించడం జరిగిందని మంత్రి ఫరూక్ తెలిపారు.
అలాగే ప్రథమ నంది దేవస్థానం ఉత్తరం వైపు ఉన్న మాడవీధి ప్రాంగణంలో తిరుమల తిరుపతి దేవస్థానం (టీటీడీ) ఆధ్వర్యంలో నిర్మించతలపెట్టిన శ్రీవారి ఆలయ స్థలాన్ని కూడా మంత్రి ఫరూక్ సంబంధిత అధికారులతో కలిసి పరిశీలించారు. ఆలయ అభివృద్ధికి, భక్తుల సౌకర్యార్థం అన్ని విధాలా చర్యలు తీసుకుంటామని ఆయన తెలిపారు. ఈ కార్యక్రమంలో దేవస్థానం చైర్మన్ చలం బాబు, ట్రైనీ డిప్యూటీ కలెక్టర్ ప్రియాంక, ఆర్డీవో విశ్వనాథ్, మున్సిపల్ కమిషనర్ శేషన్న, ఎమ్మార్వో శ్రీనివాసులు, నంద్యాల టిడిపి మండల కన్వీనర్ మునగాల విశ్వనాథరెడ్డి, చంద్రారెడ్డి, పబ్బతి వేణు, తాటికొండ బుగ్గ రాముడు , మహేష్  మరియు సంబంధిత శాఖల అధికారులు, ప్రజాప్రతినిధులు పాల్గొన్నారు.