జిల్లా పోలీస్ కార్యాలయంలో ఘనంగా వినాయక చవితి వేడుకలు

జిల్లా పోలీస్ కార్యాలయంలో ఘనంగా వినాయక చవితి పూజలు
వికారాబాద్ జిల్లా ప్రతినిధి,మేజర్ న్యూస్ (సెప్టెంబర్ 14): వినాయక చవితి పర్వదినాన్ని పురస్కరించుకుని వికారాబాద్ జిల్లా పోలీస్ కార్యాలయంలో ఏర్పాటు చేసిన వినాయక విగ్రహానికి జిల్లా ఎస్పీ స్నేహ మెహ్రా ప్రత్యేక పూజలు నిర్వహించారు. ఈ సందర్భంగా ఎస్పీ వినాయకునికి భక్తిశ్రద్ధలతో పూజలు చేసి, జిల్లా ప్రజలు, పోలీస్ అధికారులు, సిబ్బంది సుఖసంతోషాలతో, ఆయురారోగ్యాలతో ఉండాలని ఆకాంక్షించారు.
జిల్లా ప్రజలందరికీ విఘ్నేశ్వరుని ఆశీస్సులు కలగాలని కోరారు. వినాయక చవితి వేడుకలను ప్రతి ఒక్కరూ భక్తిశ్రద్ధలతో, శాంతియుత వాతావరణంలో నిర్వహించుకోవాలని సూచించారు. పండుగ సందర్భంగా ప్రజలు పరస్పర సమన్వయంతో, బాధ్యతాయుతంగా వ్యవహరించాలని ఆమె కోరారు.ఈ కార్యక్రమంలో అదనపు ఎస్పీ రాజేష్ మీనా,  వికారాబాద్ డీఎస్పీ అంజయ్య, వికారాబాద్ ఇన్‌స్పెక్టర్ రఘు కుమార్, ఆర్‌ఐలు, ఇతర పోలీస్ అధికారులు, సిబ్బంది పాల్గొన్నారు.