సంగారెడ్డి జిల్లాలో 14 మి.మీ. సగటు వర్షపాతం ఆర్.సీ.పురంలో అత్యధికంగా 55.8 మి.మీ. వర్షం.. జిన్నారంలో 47.8 మి.మీ.
సంగారెడ్డి జిల్లాలో 14 మి.మీ. సగటు వర్షపాతం
ఆర్.సీ.పురంలో అత్యధికంగా 55.8 మి.మీ. వర్షం.. జిన్నారంలో 47.8 మి.మీ.
సంగారెడ్డి, ; సంగారెడ్డి జిల్లాలో సోమవారం పలు మండలాల్లో వర్షం కురిసింది. జిల్లా వ్యాప్తంగా సగటున 14.0 మి.మీ. వర్షపాతం నమోదైనట్లు జిల్లా వర్షపాత నివేదిక వెల్లడించింది. 14వ తేదీ ఉదయం 8:30 గంటల వరకు నమోదైన వివరాల ప్రకారం రామచంద్రాపురం మండలంలో అత్యధికంగా 55.8 మి.మీ. వర్షపాతం నమోదైంది.
రామచంద్రాపురం తర్వాత జిన్నారంలో 47.8 మి.మీ., గుమ్మడిదలలో 42.0 మి.మీ., అమీన్పూర్లో 40.6 మి.మీ., సంగారెడ్డిలో 12.9 మి.మీ., పటాన్చెరులో 29.3 మి.మీ. వర్షపాతం నమోదైంది. పలు ఇతర మండలాల్లో కూడా తేలికపాటి నుంచి మోస్తరు వర్షం కురిసింది.
11 మండలాల్లో లోటు వర్షపాతం
జిల్లా వర్షపాత పరిస్థితిని పరిశీలిస్తే 2 మండలాల్లో భారీ అధిక వర్షపాతం ఒక మండలంలో అధిక వర్షపాతం, 13 మండలాల్లో సాధారణ వర్షపాతం, 11 మండలాల్లో లోటు వర్షపాతం ఒక మండలంలో తక్కువ వర్షపాతం (అతి తక్కువ ) నమోదైనట్లు నివేదిక పేర్కొంది. జిల్లా మొత్తంగా జూన్ 1 నుంచి సెప్టెంబర్ 14 వరకు 599.4 మి.మీ. సాధారణ వర్షపాతానికి గాను 513.7 మి.మీ. వర్షపాతం నమోదైంది. దీంతో సాధారణంతో పోలిస్తే 14.3 శాతం లోటు నమోదై, జిల్లా వర్షపాత స్థితి నార్మల్’ గా పేర్కొంది.
సీజన్ వారీగా..
దక్షిణ పశ్చిమ రుతుపవనాల కాలంలో జూన్లో సాధారణ 120.0 మి.మీ.కు గాను 132.0 మి.మీ. (10 శాతం అధికంగా), జూలైలో సాధారణ 191.1 మి.మీ.కు గాను 203.2 మి.మీ. (6.3 శాతం అధికంగా) వర్షపాతం నమోదైంది. అయితే ఆగస్టులో సాధారణ 191.2 మి.మీ.కు గాను 134.6 మి.మీ. మాత్రమే నమోదై 29.6 శాతం లోటు ఏర్పడింది. సెప్టెంబర్లో ఇప్పటివరకు సాధారణ 156.0 మి.మీ.కు గాను 43.8 మి.మీ. వర్షపాతం నమోదైంది. 14వ తేదీ నమోదైన వర్షపాతంలో ఆర్.సీ.పురం 55.8 మి.మీ.తో జిల్లాలో అగ్రస్థానంలో నిలిచింది
