కాంగ్రెస్ ప్రభుత్వం వెయ్యి రోజుల పాలన అద్భుత పాలనగా ప్రజల గుర్తింపు.

కాంగ్రెస్ ప్రభుత్వం వెయ్యి రోజుల పాలన
అద్భుత పాలనగా ప్రజల గుర్తింపు.
ప్రజా సంక్షేమం, అభివృద్ధికి పెద్దపీట.
--నారాయణఖేడ్ ఎమ్మెల్యే డాక్టర్ పట్లోళ్ల సంజీవరెడ్డి...
నారాయణఖేడ్. :. నారాయణఖేడ్, కాంగ్రెస్ ప్రభుత్వం అధికారంలోకి వచ్చినప్పటి నుంచి ప్రజా సంక్షేమం, అభివృద్ధి, సామాజిక న్యాయానికి ప్రాధాన్యతనిస్తూ ముందుకు సాగుతోందని నారాయణఖేడ్ ఎమ్మెల్యే డాక్టర్ పట్లోళ్ల సంజీవరెడ్డి అన్నారు. రాష్ట్రంలో కాంగ్రెస్ ప్రభుత్వం వెయ్యి రోజుల పాలన పూర్తి చేసుకున్న సందర్భంగా ఆయన మాట్లాడుతూ.. ఈ వెయ్యి రోజుల పాలనను ప్రజలు అద్భుతమైన పాలనగా గుర్తిస్తున్నారని తెలిపారు.
కాంగ్రెస్ ప్రభుత్వం ఎన్నికల సమయంలో ప్రజలకు ఇచ్చిన హామీలను ఒక్కొక్కటిగా అమలు చేస్తూ, అన్ని వర్గాల సంక్షేమానికి కృషి చేస్తోందన్నారు. పేదలు, రైతులు, మహిళలు, యువత, విద్యార్థులు, ఉద్యోగులు, కార్మికులు, అణగారిన వర్గాల అభ్యున్నతే లక్ష్యంగా ప్రభుత్వం అనేక సంక్షేమ, అభివృద్ధి కార్యక్రమాలను చేపడుతోందని పేర్కొన్నారు.
రాష్ట్ర ముఖ్యమంత్రి రేవంత్ రెడ్డి నాయకత్వంలో తెలంగాణ అభివృద్ధి పథంలో వేగంగా ముందుకు సాగుతోందని ఎమ్మెల్యే సంజీవరెడ్డి అన్నారు. రైతు సంక్షేమం, మహిళా సాధికారత, విద్య, వైద్యం, ఉపాధి, మౌలిక వసతుల అభివృద్ధికి ప్రభుత్వం ప్రత్యేక ప్రాధాన్యత ఇస్తోందని తెలిపారు.
నారాయణఖేడ్ నియోజకవర్గ అభివృద్ధికి ప్రత్యేక ప్రాధాన్యత
కాంగ్రెస్ ప్రభుత్వం ఏర్పడిన తర్వాత నారాయణఖేడ్ నియోజకవర్గంలో కూడా అభివృద్ధి పనులకు పెద్దపీట వేశామని ఎమ్మెల్యే తెలిపారు. గ్రామీణ ప్రాంతాల్లో రహదారులు, తాగునీరు, విద్య, వైద్యం, సాగునీరు, మౌలిక వసతుల కల్పనకు కృషి చేస్తున్నామని చెప్పారు. ప్రజలకు అవసరమైన సమస్యలను గుర్తించి దశలవారీగా పరిష్కరించేందుకు చర్యలు తీసుకుంటున్నామని వివరించారు.
ప్రజల ఆశీస్సులు, సహకారంతో నియోజకవర్గాన్ని అన్ని రంగాల్లో అభివృద్ధి చేసి ఆదర్శ నియోజకవర్గంగా తీర్చిదిద్దేందుకు కృషి చేస్తానని డాక్టర్ పట్లోళ్ల సంజీవరెడ్డి తెలిపారు. కాంగ్రెస్ ప్రభుత్వం చేపడుతున్న సంక్షేమ, అభివృద్ధి కార్యక్రమాలను ప్రజల్లోకి తీసుకెళ్లాల్సిన బాధ్యత పార్టీ నాయకులు, కార్యకర్తలపై ఉందన్నారు.
వెయ్యి రోజుల పాలనలో ప్రభుత్వం సాధించిన ప్రగతిని ప్రజలు గమనిస్తున్నారని, రానున్న రోజుల్లో మరింత వేగంగా అభివృద్ధి కార్యక్రమాలను కొనసాగిస్తామని ఎమ్మెల్యే సంజీవరెడ్డి స్పష్టం చేశారు.