అక్రమ అరెస్టులతో ప్రశ్నించే గొంతుకలను అడ్డుకోలేరు – జిల్లా మాజీ గ్రంథాలయ సంస్థ చైర్మన్, బీఆర్ఎస్వీ జిల్లా అధ్యక్షుడు పొన్నం అనిల్ కుమార్ గౌడ్
సూర్య కరీంనగర్ ప్రతినిధి : అక్రమ అరెస్టులు, గృహనిర్బంధాలతో ప్రశ్నించే గొంతుకలను అడ్డుకోలేరని జిల్లా మాజీ గ్రంథాలయ సంస్థ చైర్మన్, బీఆర్ఎస్వీ జిల్లా అధ్యక్షుడు పొన్నం అనిల్ కుమార్ గౌడ్ అన్నారు. గురువారం తెల్లవారుజామున 3 గంటల నుంచి తనను గృహనిర్బంధంలో ఉంచి, ఉదయం 6.30 గంటలకు కొత్తపల్లి పోలీస్ స్టేషన్కు తరలించారని తెలిపారు. ఎలాంటి కారణం చూపకుండా రాష్ట్రవ్యాప్తంగా విద్యార్థి నాయకులను అరెస్ట్ చేయడం ప్రజాస్వామ్యానికి విరుద్ధమని ఆయన విమర్శించారు.రాష్ట్రంలో బీఆర్ఎస్వీ నాయకులను లక్ష్యంగా చేసుకుని అరెస్టులు చేయడం చూస్తుంటే ముఖ్యమంత్రి రేవంత్ రెడ్డికి బీఆర్ఎస్వీ నాయకులే కనిపిస్తున్నట్లుందని వ్యంగ్యంగా వ్యాఖ్యానించారు. ప్రశ్నించే గొంతుకలను పోలీసుల ద్వారా అణచివేయాలని ప్రభుత్వం ప్రయత్నిస్తోందని ఆరోపించారు. ఇలాంటి నియంతృత్వ పాలనకు ప్రజలు త్వరలోనే చరమగీతం పాడే రోజులు వస్తాయని, ప్రభుత్వం ప్రజా వ్యతిరేకతను ఎదుర్కోక తప్పదని హెచ్చరించారు.
