హ్యారీ, మేఘన్ అమెరికాను విడిచి వెళ్లడంపై డోనాల్డ్ ట్రంప్ సంతోషం

వాషింగ్టన్: బ్రిటన్ రాజకుటుంబ మాజీ సభ్యులు ప్రిన్స్ హ్యారీ, ఆయన భార్య మేఘన్ మార్కెల్ కుటుంబ సమేతంగా అమెరికాను విడిచిపెట్టి తిరిగి బ్రిటన్‌కు తరలివెళ్లాలనే నిర్ణయంపై అమెరికా అధ్యక్షుడు డోనాల్డ్ ట్రంప్ సంతోషం వ్యక్తం చేశారు. ఆరేళ్లపాటు కాలిఫోర్నియాలో నివసించిన ఈ దంపతులు ఇటీవల తిరిగి బ్రిటన్‌కు వెళ్లనున్నట్లు చేసిన ప్రకటనపై వైట్‌హౌస్ ఓవల్ ఆఫీస్‌లో విలేకరులు అడిగిన ప్రశ్నకు ట్రంప్ స్పందించారు.

ఈ నిర్ణయంపై ట్రంప్ మాట్లాడుతూ.. "వారు అమెరికాను విడిచిపెడుతున్నందుకు నేను ఎంతో సంతోషంగా ఉన్నాను. వారు ఇక్కడ ఉండటం నాకు ఎంతమాత్రం నచ్చలేదు" అని వ్యాఖ్యానించారు.

హ్యారీ, మేఘన్‌లు ప్రవర్తించిన తీరుపై మండిపడుతూ.. "వారు బ్రిటన్ రాజకుటుంబాన్ని తీవ్రంగా అగౌరవపరిచారని నేను భావిస్తున్నాను. వారి తీరు నాకు నచ్చలేదు. నేనే గనుక ఆ రాజకుటుంబంలో ఉంటే, వారిని ఎప్పటికీ తిరిగి రానిచ్చేవాడిని కాదు" అని ట్రంప్ కఠినంగా వ్యాఖ్యానించారు.