మళ్లీ ప్రజల్లోకి జగన్: ఏపీలో వైఎస్ జగన్ పాదయాత్రపై కీలక ప్రకటన

ఆంధ్రప్రదేశ్ రాజకీయాల్లో మరోమారు సుదీర్ఘ యాత్రా రాజకీయం తెరపైకి రానుంది. వైఎస్ఆర్ కాంగ్రెస్ పార్టీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి ప్రజల మధ్యే ఉండేందుకు, క్షేత్రస్థాయిలో పార్టీ శ్రేణులను సమాయత్తం చేసేందుకు సరికొత్త వ్యూహానికి శ్రీకారం చుట్టారు. పార్టీ బలోపేతమే లక్ష్యంగా ఆయన త్వరలో రాష్ట్రవ్యాప్తంగా మరో ప్రజా ప్రయాణానికి సిద్ధమవుతున్నారు.  

పర్చూరు నియోజకవర్గ పార్టీ కార్యకర్తలు మరియు నేతలతో నిర్వహించినా ఆత్మీయ సమావేశంలో ఆయన ఈ కీలక ప్రకటన చేశారు. రాష్ట్రంలో మారుతున్న రాజకీయ పరిణామాలు, ప్రభుత్వ విధానాలపై ప్రజల్లో నెలకొన్న వ్యతిరేకతను ఎప్పటికప్పుడు అంచనా వేస్తూ ముందుకు సాగాలని పిలుపునిచ్చారు. రాబోయే స్థానిక సంస్థల ఎన్నికలను అత్యంత వ్యూహాత్మకంగా ఎదుర్కొనే దిశగా శ్రేణులకు దిశా నిర్దేశం చేశారు.

గత అనుభవాలను దృష్టిలో పెట్టుకుని, పార్టీని మరింత బలంగా ప్రజల్లోకి తీసుకెళ్లేందుకు భవిష్యత్తు కార్యాచరణను సిద్ధం చేస్తున్నారు. రానున్న కాలంలో ప్రజా సమస్యలపై పోరాడుతూనే, ప్రత్యక్ష ప్రయాణం ద్వారా ప్రజల మన్ననలు చూరగొనేలా ఈ కొత్త రాజకీయ ప్రణాళిక ఉంటుందని పార్టీ వర్గాలు స్పష్టం చేస్తున్నాయి. జగన్ తీసుకోబోతున్న ఈ సాహసోపేత నిర్ణయం ఇటు రాజకీయ వర్గాల్లోనూ, అటు కేడర్‌లోనూ కొత్త జోష్ నింపుతోంది.