మాజీ మంత్రి హరీష్ రావు హౌస్ అరెస్ట్

వరంగల్ పర్యటనను అడ్డుకున్న పోలీసులు
హైదరాబాద్: బిఆర్ఎస్ నాయకుడు, మాజీ మంత్రి, ఎమ్మెల్యే తన్నీరు హరీష్ రావును పోలీసులు గురువారం ఉదయం ఆయన నివాసంలోనే హౌస్ అరెస్ట్ చేశారు. వరంగల్ జిల్లాలో వివాదాస్పద జీవో 97 రద్దు చేయాలంటూ ఆందోళన బాట పట్టిన పాలిటెక్నిక్ విద్యార్థులకు సంఘీభావం తెలిపేందుకు ఆయన వరంగల్ పర్యటనకు సిద్ధమయ్యారు.

ఈ పర్యటనకు వెళ్లకుండా హరీష్ రావు నివాసం వద్ద భారీగా పోలీసులను మోహరించిన అధికారులు, ఆయనను ఇంట్లోనే అడ్డుకున్నారు. నిరసన ప్రదర్శనలతో శాంతిభద్రతల సమస్య తలెత్తే అవకాశం ఉందన్న ముందస్తు జాగ్రత్త చర్యల్లో భాగంగానే ఈ హౌస్ అరెస్ట్ చేసినట్లు పోలీసులు వెల్లడించారు.

ప్రభుత్వం జీవో 97తో విద్యార్థుల భవిష్యత్తును అంధకారంలోకి నెడుతోందని, విద్యార్థుల వైపు నిలబడి పోరాడుతుంటే అక్రమంగా అరెస్టులు చేయించడం సరికాదని ఈ సందర్భంగా హరీష్ రావు తీవ్ర ఆగ్రహం వ్యక్తం చేశారు.