'నువాఖై' పండుగ సందర్భంగా ప్రజలకు ప్రధాని నరేంద్ర మోదీ శుభాకాంక్షలు

న్యూఢిల్లీ:రైతులు, పంటలు మరియు ఐక్యతా భావనను చాటిచెప్పే ‘నువాఖై’ పండుగ సందర్భంగా ప్రధాన మంత్రి నరేంద్ర మోదీ మంగళవారం ప్రజలకు హృదయపూర్వక శుభాకాంక్షలు తెలిపారు. ఈ పండుగ సమాజంలో సంతోషం, శ్రేయస్సుతో పాటు సామరస్య బంధాలను మరింత బలోపేతం చేస్తుందని ప్రధాని ఆశాభావం వ్యక్తం చేశారు.

ఈ సందర్భంగా 'ఎక్స్' (ట్విట్టర్) వేదికగా స్పందించిన ప్రధాని, "నువాఖై జుహార్! మన రైతులు, పంటల ప్రాధాన్యతను చాటే ఈ ప్రత్యేక సందర్భం ప్రజల మధ్య ఐక్యతను పెంపొందించాలి" అని పేర్కొన్నారు. ప్రధాని మోదీ ఒడియా భాషలో కూడా సందేశాన్ని పంచుకుంటూ ప్రజలకు తన శుభాకాంక్షలు తెలియజేశారు.