మధ్యప్రాచ్యంలో దాడులతో మండుతున్న చమురు ధరలు

100 డాలర్ల దిశగా క్రూడ్ ఆయిల్, ఆసియా మార్కెట్లలో మందకొడి వాతావరణం
టోక్యో: మధ్యప్రాచ్యంలో యుద్ధ ఉద్రిక్తతలు రోజురోజుకూ తీవ్రతరమవుతుండటంతో అంతర్జాతీయ మార్కెట్లో చమురు ధరలు మళ్లీ భగ్గుమంటున్నాయి. బుధవారం ట్రేడింగ్‌లో బ్రెంట్ క్రూడ్ ఫ్యూచర్స్ ధర బ్యారెల్‌కు $1.57 పెరిగి $99.49కి చేరగా, యూఎస్ వెస్ట్ టెక్సాస్ ఇంటర్మీడియట్ క్రూడ్ $1.60 పెరిగి $94.63 వద్ద స్థిరపడింది. సౌదీ అరేబియాపై యెమెన్ హౌతీల దాడులు, ఇరాన్ ట్యాంకర్లపై అమెరికా చర్యలతో చమురు ధరలు త్వరలోనే 100 డాలర్ల మార్కును దాటుతాయనే సంకేతాలు వెలువడుతున్నాయి. ఈ పరిణామాలతో పెరుగుతున్న ద్రవ్యోల్బణ ఆందోళనల నడుమ ఆసియా స్టాక్ మార్కెట్లు బుధవారం తీవ్ర తీవ్ర ఒత్తిడికి గురై మందకొడిగా సాగాయి.

మార్కెట్ల క్షీణతతో హాంగ్ కాంగ్ హాంగ్ సెంగ్ 0.6 శాతం, సిడ్నీ స్టాక్స్ 0.3 శాతం పడిపోగా, సెమీకండక్టర్ మరియు ఏఐ షేర్ల పుంజుకోవడంతో జపాన్ నిక్కీ 0.6 శాతం, దక్షిణ కొరియా కోస్పి 1.6 శాతం మేర స్వల్పంగా లాభపడ్డాయి. మరోవైపు, ఇరాన్ యుద్ధ ప్రభావంతో పెరుగుతున్న ద్రవ్యోల్బణాన్ని అదుపు చేసేందుకు బ్యాంక్ ఆఫ్ జపాన్, యూరోపియన్ సెంట్రల్ బ్యాంక్‌లు వడ్డీ రేట్లను పెంచే అవకాశాలు మెండుగా కనిపిస్తున్నాయి. ద్రవ్యోల్బణ భయాలు ఈక్విటీలపై భారం మోపడంతో పాటు, వడ్డీ రేట్ల నిర్ణయానికి సంబంధించి శుక్రవారం వెలువడనున్న అమెరికా వినియోగదారుల ధరల సూచీ (CPI) డేటాపై ప్రపంచ ఆర్థిక విపణి తీవ్ర ఉత్కంఠతో ఎదురుచూస్తోంది.