రూ. 3 లక్షల వరకు ఎగుమతులకు 'RCMC' నుంచి మినహాయింపు

న్యూఢిల్లీ:చిన్న తరహా ఎగుమతిదారులకు ఊరటనిస్తూ కేంద్ర ప్రభుత్వం కీలక నిర్ణయం తీసుకుంది. రూ. 3 లక్షల వరకు ఫ్రీ-ఆన్-బోర్డ్ (FOB) విలువ కలిగిన ఎగుమతి సరుకులకు రిజిస్ట్రేషన్-కమ్-మెంబర్‌షిప్ సర్టిఫికేట్ (RCMC) పొందాల్సిన అవసరం లేదని డైరెక్టరేట్ జనరల్ ఆఫ్ ఫారిన్ ట్రేడ్ (DGFT) ప్రకటించింది. విదేశీ వాణిజ్య విధానం 2023లోని నిబంధనలను సవరిస్తూ ఈ మేరకు ఉత్తర్వులు జారీ చేసింది.

ఈ నిర్ణయం వల్ల ఎంఎస్ఎంఈలు, చేతివృత్తులవారు, చిన్న వ్యాపారులు మరియు తొలిసారి ఎగుమతి చేసేవారిపై నిబంధనల భారం తగ్గనుంది. ఇ-కామర్స్, పోస్టల్ మరియు కొరియర్ మార్గాల ద్వారా విదేశీ మార్కెట్లలోకి సులభంగా ప్రవేశించడానికి ఇది దోహదపడుతుందని ప్రభుత్వం తెలిపింది. అయితే రూ. 3 లక్షలు దాటిన ఎగుమతులకు RCMC నిబంధన యథాతథంగా వర్తిస్తుందని స్పష్టం చేసింది. గత ఐదేళ్ల గణాంకాల ప్రకారం 3,000 డాలర్ల లోపు ఎగుమతులు షిప్పింగ్ బిల్లుల్లో 43 శాతం ఉన్నప్పటికీ, మొత్తం ఎగుమతి విలువలో అవి 0.86 శాతం మాత్రమే ఉన్నట్లు అధికారులు వెల్లడించారు.