ఉత్తరాఖండ్లో భారీ వర్షాలు
ప్రమాద హెచ్చరిక స్థాయికి చేరువలో అలకనంద, మందాకిని నదులు
రుద్రప్రయాగ్: ఉత్తరాఖండ్లోని రుద్రప్రయాగ్, చమోలీ జిల్లాల్లో గత కొన్ని రోజులుగా కురుస్తున్న భారీ వర్షాల కారణంగా నదులు, వాగులు ఉప్పొంగి ప్రవహిస్తున్నాయి. వరుస వర్షాలతో కొండచరియలు విరిగిపడే ప్రమాదం పొంచి ఉండటంతో పాటు జలాశయాలు, నదుల్లో నీటిమట్టం గణనీయంగా పెరుగుతోంది.
రుద్రప్రయాగ్లో ప్రవహించే కీలకమైన అలకనంద, మందాకిని నదుల నీటిమట్టాలు తీవ్రంగా పెరిగి ప్రమాద హెచ్చరిక స్థాయికి చేరువలో ప్రవహిస్తున్నాయి. నదీ పరివాహక ప్రాంతాలు, లోతట్టు ప్రాంతాల్లో నివసించే ప్రజలను సురక్షిత ప్రాంతాలకు తరలించేందుకు అధికారులు చర్యలు చేపట్టారు. స్థానిక యంత్రాంగం, విపత్తు ప్రతిస్పందన దళాలు (SDRF) నిరంతరం పరిస్థితిని సమీక్షిస్తున్నాయి.
వర్షాల ధాటికి పలు చోట్ల రాకపోకలకు విఘాతం కలగడంతో, ప్రజలు అత్యవసరం ఐతే తప్ప బయటకు రావద్దని, నదుల వైపు వెళ్లవద్దని అధికారులు హెచ్చరించారు.
