ప్రపంచ జీడీపీలో బ్రిక్స్ వాటా 40% పైనే
రష్యా అధ్యక్షుడు వ్లాదిమిర్ పుతిన్
న్యూఢిల్లీ: అంతర్జాతీయ ఆర్థిక సంబంధాలకు నమ్మదగిన వ్యాపార-వ్యాపార (B2B) సంబంధాలు, ఆర్థిక భాగస్వామ్యాలే వెన్నెముక అని రష్యా అధ్యక్షుడు వ్లాదిమిర్ పుతిన్ అన్నారు. న్యూఢిల్లీలో శుక్రవారం నిర్వహించిన 'బ్రిక్స్ బిజినెస్ ఫోరమ్ 2026' సదస్సులో భారత ప్రధాని నరేంద్ర మోదీ, ఇతర బ్రిక్స్ దేశాల అగ్రనేతలతో కలిసి ఆయన పాల్గొన్నారు.
ఈ సందర్భంగా పుతిన్ మాట్లాడుతూ, ప్రపంచ ఆర్థిక వ్యవస్థలో లోతైన నిర్మాణాత్మక మార్పులు వస్తున్నాయని, పాత అగ్రగామి దేశాల స్థానంలో కొత్త చోదక శక్తులు ముందుకు వస్తున్నాయని పేర్కొన్నారు. గత ఐదేళ్లలో ప్రపంచ జీడీపీలో బ్రిక్స్ దేశాల వాటా 40 శాతానికి పైగా నమోదవ్వగా, జి-7 (G7) దేశాల వాటా 29 శాతానికే పరిమితమైందని ఆయన గణాంకాలతో వివరించారు.
భారతదేశ అధ్యక్షతన "స్థితిస్థాపకత, ఆవిష్కరణ, సహకారం మరియు సుస్థిరత కోసం నిర్మాణం" అనే నినాదంతో జరుగుతున్న ఈ 18వ బ్రిక్స్ సదస్సులో వాణిజ్యం, పెట్టుబడులు, డిజిటల్ ఆర్థిక వ్యవస్థ మరియు గ్లోబల్ సౌత్ ప్రయోజనాల పరిరక్షణపై విసృత చర్చలు సాగుతున్నాయని నాయకులు స్పష్టం చేశారు.
