international
పాకిస్థాన్ బలూచిస్థాన్లో భారీ ఎన్కౌంటర్: 11 మంది ఉగ్రవాదులను మట్టుబెట్టిన భద్రతా బలగాలు
సూర్య అంతర్జాతీయ డెస్క్: పాకిస్థాన్లోని అశాంతిగ్రస్త బలూచిస్థాన్ ప్రావిన్స్లో భద్రతా బలగాలు భారీ ఉగ్రవాద వ్యతిరేక ఆపరేషన్ చేపట్టాయి.
పంజ్గూర్ జిల్లా గోవార్గో ప్రాంతంలో ఉగ్రవాదుల కదలికలను గుర్తించిన బలగాలు పక్కా వ్యూహంతో ఆపరేషన్ నిర్వహించి ఐదుగురు తీవ్రవాదులను తుదముట్టించాయి. అదే సమయంలో చాగై జిల్లా పరిధిలోని అమినాబాద్, సియా చాంగ్ ప్రాంతాలలో జరిగిన మరో ఎన్కౌంటర్లో ఆరుగురు ఉగ్రవాదులు ప్రాణాలు కోల్పోయారు. ఈ భీకర పోరు ముగిసిన అనంతరం ఘటనా స్థలాల నుంచి భారీ ఎత్తున అత్యాధునిక ఆయుధాలు, పేలుడు పదార్థాలు, మందుగుండు సామగ్రిని భద్రతా దళాలు స్వాధీనం చేసుకున్నాయి. తప్పించుకున్న మిగిలిన వారి ఆచూకీ కోసం పరిసర ప్రాంతాల్లో విస్తృతంగా గాలింపు చర్యలు కొనసాగుతున్నాయి.
గత కొంతకాలంగా బలూచిస్థాన్ ప్రాంతంలో భద్రతా దళాలు, ప్రభుత్వ కార్యాలయాలు మరియు రవాణా మార్గాలను లక్ష్యంగా చేసుకుని ఉగ్రవాద గ్రూపులు దాడులను తీవ్రతరం చేశాయి.
