ప్రధాని మోదీ, వియత్నాం ప్రధాని లె మిన్ హంగ్ భేటీ

న్యూఢిల్లీ:న్యూఢిల్లీ వేదికగా జరుగుతున్న 18వ బ్రిక్స్ శిఖరాగ్ర సదస్సు సందర్భంగా భారత ప్రధాని నరేంద్ర మోదీ, వియత్నాం ప్రధాని లె మిన్ హంగ్‌తో శనివారం ద్వైపాక్షిక సమావేశం నిర్వహించారు. ఈ భేటీలో ఇరు నాయకులు భారత్-వియత్నాం మధ్య ద్వైపాక్షిక సహకారంలో సాధించిన పురోగతితో పాటు పలు ప్రాంతీయ, ప్రపంచ అంశాలపై సుదీర్ఘంగా చర్చించారు. బ్రిక్స్ సదస్సులో భాగస్వామ్య దేశంగా వియత్నాం పాల్గొనడాన్ని ప్రధాని మోదీ సాదరంగా స్వాగతించారు.

మే 2026లో వియత్నాం అధ్యక్షుడు టో లామ్ భారత్ పర్యటన సందర్భంగా ఇరు దేశాలు తమ సంబంధాలను 'మెరుగైన సమగ్ర వ్యూహాత్మక భాగస్వామ్యం' స్థాయికి పెంపొందించుకున్నాయి. ఈ నేపథ్యంలో, 2030 నాటికి ద్వైపాక్షిక వాణిజ్యాన్ని 25 బిలియన్ డాలర్లకు పెంచడం, రక్షణ, భద్రత, పునరుత్పాదక ఇంధనం, సముద్ర సహకారం వంటి రంగాలలో సాధించిన పురోగతిని ఈ సమావేశంలో సమీక్షించారు. భారతదేశ 'యాక్ట్ ఈస్ట్' విధానంలో వియత్నాం ఒక అత్యంత కీలకమైన భాగస్వామి అని భారత విదేశాంగ మంత్రిత్వ శాఖ ఈ సందర్భంగా స్పష్టం చేసింది.