లడఖ్లో సీబీఎస్ఈ ప్రత్యేక తరగతులు
లేహ్: లడఖ్ కేంద్రపాలిత ప్రాంతంలోని ప్రభుత్వ పాఠశాలల్లో 10, 12వ తరగతి చదువుతున్న విద్యార్థుల కోసం కేంద్ర మాధ్యమిక విద్యా మండలి (CBSE) అక్కడి ప్రభుత్వంతో కలిసి నెల రోజుల పాటు ప్రత్యక్ష విద్యా సహాయ కార్యక్రమాన్ని ప్రారంభించింది. రాబోయే బోర్డు పరీక్షలకు విద్యార్థులను సన్మార్గంలో సిద్ధం చేయడమే లక్ష్యంగా ఈ కార్యక్రమాన్ని రూపొందించారు.
సెప్టెంబర్ 14 నుండి అక్టోబర్ 14 వరకు లేహ్, నుబ్రా, జాన్స్కర్, కార్గిల్, ద్రాస్, చాంగ్థాంగ్ వంటి సుదూర, ఎత్తైన ప్రాంతాల్లోని పాఠశాలల్లో ఈ ప్రత్యేక తరగతులు నిర్వహించనున్నారు. దేశవ్యాప్తంగా ఉన్న సీబీఎస్ఈ పాఠశాలల నుండి 250 మందికి పైగా అనుభవజ్ఞులైన ఉపాధ్యాయులను ఈ కార్యక్రమం కోసం ఎంపిక చేశారు. సబ్జెక్టులపై స్పష్టతతో పాటు, సమయ నిర్వహణ, మూల్యాంకన విధానాలు, ప్రశ్నలకు సరైన రీతిలో సమాధానాలు రాసే మెళకువలను విద్యార్థులకు నేర్పించనున్నట్లు సీబీఎస్ఈ కార్యదర్శి వరుణ్ భరద్వాజ్ తెలిపారు.
