ఇటలీ పాఠశాలల్లో బుర్ఖా నిషేధం ప్రతిపాదనపై ఇస్లామిక్ పండితుల ఆగ్రహం: మత స్వేచ్ఛపై దాడిగాఅభివర్ణన

సూర్యఅంతర్జాతీయ డెస్క్: ఇటలీలోని విద్యాసంస్థల్లో బుర్ఖా, నిఖాబ్‌లపై పూర్తి స్థాయి నిషేధం విధించాలని ప్రభుత్వం ప్రతిపాదించడంపై అంతర్జాతీయ ఇస్లామిక్ పండితులు మరియు మానవ హక్కుల సంఘాలు తీవ్ర అభ్యంతరం వ్యక్తం చేశాయి. ఇటలీలోని మితవాద ప్రభుత్వం పాఠశాలలు, విశ్వవిద్యాలయాల ప్రాంగణాల్లో ముఖాన్ని పూర్తిగా కప్పి ఉంచే ముస్లిం సంప్రదాయ దుస్తులపై ఆంక్షలు విధించేందుకు సరికొత్త ముసాయిదా చట్టాన్ని తెరపైకి తెచ్చింది. సమాజంలో భద్రత, పరస్పర గుర్తింపు కోసమే ఈ నిబంధనలు తీసుకొస్తున్నామనిఅధికార వర్గాలు చెబుతుండగా, ఇది పూర్తిగా ఒక నిర్దిష్ట వర్గంహక్కులను కాలరాయడమేనని ముస్లిం ప్రతినిధులు మండిపడుతున్నారు.

ఈప్రతిపాదనలపై ప్రముఖ ఇస్లామిక్ పరిశోధకులు స్పందిస్తూ, విద్యా సంస్థల్లో దుస్తుల ఎంపిక అనేది పౌరుల వ్యక్తిగత స్వేచ్ఛ, మత విశ్వాసాలకు సంబంధించినఅంశమని స్పష్టం చేశారు. పాఠశాలల్లో బుర్ఖాను నిషేధించడం ద్వారా ముస్లిం బాలికలను ప్రధాన స్రవంతి విద్యకు దూరం చేసే ప్రమాదం ఉందని వారు హెచ్చరించారు. ప్రజాస్వామ్య దేశంగా గుర్తింపు పొందిన ఐరోపా దేశాల్లో ఇలాంటి నిర్బంధ విధానాలు తీసుకురావడం మత సామరస్యానికి గొడ్డలిపెట్టులాంటిదని పేర్కొన్నారు. భద్రతా కారణాలను సాకుగా చూపి మతపరమైన ఆచారాలపై నిషేధం విధించడం ఎంతమాత్రం సమర్థనీయం కాదని పండితులు అభిప్రాయపడ్డారు.

ఐరోపాయూనియన్‌లోని ఫ్రాన్స్, బెల్జియం వంటి దేశాలు ఇప్పటికే బహిరంగ ప్రదేశాలలో పూర్తి ముఖాన్ని కప్పి ఉంచే వస్త్రధారణపై చట్టపరమైన ఆంక్షలు అమలు చేస్తున్నాయి. ఇప్పుడు ఇటలీ సైతం అదే బాటలో పయనించేందుకు అడుగులు వేయడం ఆ దేశంలో నివసిస్తున్నముస్లిం సమాజంలో తీవ్ర ఆందోళనలను రేకెత్తిస్తోంది. విద్యాలయాల్లో స్వేచ్ఛాయుత వాతావరణం ఉండాలని, విద్యార్థినుల వస్త్రధారణ ఆధారంగా వారి చదువుకు అడ్డంకులు సృష్టించడం ప్రాథమిక మానవ హక్కుల ఉల్లంఘనేనని పౌర హక్కుల కార్యకర్తలు డిమాండ్ చేస్తున్నారు.