international
టీచింగ్ హాస్పిటల్ వద్ద గల్లంతైన వారి బంధువుల తీవ్ర విషాదం
కాఠ్మండులో ఆకస్మిక వరదలు
కాఠ్మండు: నేపాల్ను అతలాకుతలం చేసిన ఆకస్మిక వరదల దాటికి కొట్టుకుపోయిన తమ వారి ఆచూకీ కోసం బాధితుల కుటుంబ సభ్యులు, బంధువులు ఆవేదనతో ఎదురుచూస్తున్నారు. వరదల్లో గల్లంతైన వారి సమాచారం కోసం కాఠ్మండులోని త్రిభువన్ యూనివర్సిటీ టీచింగ్ హాస్పిటల్ (TUTH) వద్దకు పెద్ద ఎత్తున బంధువులు చేరుకుంటున్నారు.
మృతదేహాల గుర్తింపు, అలాగే అత్యవసర వైద్య చికిత్స పొందుతున్న వారి వివరాల కోసం బాధితుల కుటుంబాలు ఆసుపత్రి ప్రాంగణంలో కన్నీరుమున్నీరుగా వెతుకులాట కొనసాగిస్తున్నాయి. ఆసుపత్రి వర్గాలు మరియు సహాయక బృందాలు బాధితులను గుర్తించే ప్రక్రియను శరవేగంగా చేపడుతున్నాయి. స్థానిక యంత్రాంగం గాలింపు చర్యలను ముమ్మరం చేసింది.
